Vaefeso 1:19 - Bhibhiliya Nya Guage

¹⁹ guliwugisa nya tshivba a yi girago khu kotani gwathu, ethu hi khodwago. Khiyo tshivba yeyi a nga yi wonegisa khu tshivba ni tshivba

Vaefeso 1:19 Iomraidhean Croise

Isaya 53:1

Khu mani a khodwego khu esi hi mi tivisidego? Gambe khu mani a wonidego tshivba ya Pfhumu Nungungulu?

Johane 3:6

Igyo gi velegidwego khu tshivba nya muthu, muthu kamwe, gasi igyo gi velegidwego khu Liphuvbo, Liphuvbo.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

2 Vakorinto 4:7

Aholu ethu hi hakhidego thomba yeyi nya wuhigo hi sombo nya libumba, gasi gu wonegisa gupwani tshivba yeyi yatshavbo nya yikhongolo kha yi dugeli gwathu ya guta khu ga Nungungulu.

2 Vakorinto 5:17

Kholu muthu a gu tshanganiswa ni Kristo a gu khala muthu muphya. Esi sa gale si vbindride, satshavbo sa gu wusedzwa si gu girwa siphya.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Vaefeso 3:20

Ga Uye a gu na ni tshivba nya gugire guvbindra satshavbo esi hi mu lombago, ambari ni esi hi alakanyago, khu tshivba Yaye yi thumago ndrani gwathu.

Vaefeso 3:7

Eni nyi khade muthumeli nya Mahungu nya Yadi nya guvbanyise, khu wuhigo wa Nungungulu a nyi ningidego khu wuhindzi ni tshivba yaye.

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

Vafilipi 2:13

kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.

Vakolosi 1:29

Khiso nyi si thumelago ni gu si dwanela khu tshivba yatshavbo nyi yi manago tshivbani ga Kristo.

Vakolosi 2:12

Gikhati mu nga bhapatiswa, mu dzingidwe gumogo ni Kristo, mu gu wuga gambe naye kholu mu ngu khodwa ga tshivba ya Nungungulu a mu wusidego.

1 Vatesalonika 1:5

Khu guralo, ethu hi dita mi tivisa Mahungu nya Yadi nasiri khu gu ganela basi, aholu khu tshivba nya Liphuvbo nya Guage, ni gu tiyiswa nya gungi. Mu ngu dziti edzi hi nga dzi vegisago khidzo vbakari gwanu, khu lihaladzo lanu.

2 Vatesalonika 1:11

Khu guralo, hi ngu lomba ga Nungungulu wathu gikhati gyatshavbo khu enu, gasi a mi phasani gu girani dzifanelo nya guranwe gwanu, a mi ningani tshivba ni masuwo nya gutshambe, ni gu tiyisa gukhodwa gwanu.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

1 Pedro 4:11

Oyu a tivisago, a na tivise Mahungu ya Nungungulu. Oyu a thumago, a na thume khu tshivba a ningwago khu Nungungulu. Girani kharati gasi mithumoni yanu yatshavbo a rungudzwe Nungungulu khu ga Jesu Kristo, a gu na ni wudhumo ni tshivba kala gupindruga! Amen.