Vaefeso 1:18 - Bhibhiliya Nya Guage

¹⁸ Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 1:18 Iomraidhean Croise

Joba 42:5

Nyi di gupwa basi khu dzindzeve, gasi olu nyi ngu gu wona khu maho yangu.

Dzindzimo 119:18

Tula maho yangu, gasi nyi wone siliwugiso nya nayo wago.

Isaya 11:2

Liphuvbo la Pfhumu Nungungulu, li na mbaka vbatshani gwaye, a gu Liphuvbo nya guti ni mapimo, Liphuvbo nya wusingalagadzi ni tshivba, Liphuvbo nya wugengeli ni githawo ga Pfhumu Nungungulu.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 29:18

Khu litshigu lolo, sivbwiri si napwa mahungu nya libhuku, ni maho nya sikhumu ma guromo gusivbalani nya gidema, ma na wona.

Isaya 32:3

Ni maho ya vale va wonago, kha ma na segwa, ni dzindzeve dza vale va vbwetago gupwa, dzi na yingisa.

Isaya 42:7

gasi u tula maho sikhumu, ni gu tshula sibotshwa pasoni, ni gu dusa avo va vbanyago mugidemani.

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Marko 10:17

Na gu duga a hongola, a di khingwa khu mwama na gu tutuma, a ta khidzima migondroni gwaye a mu wudzisa, khuye: “Muhevbudzi nya wadi, ginani nyi fanelago gu gira gasi nyi mane guvbanya nya gupindruge?”

Luka 24:45

Khu vbale, a di va tula mapimo, gasi va pime Milowo,

Mithumo 16:14

Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Varoma 11:29

Kholu Nungungulu kha vbindrugedzi mapimo yaye ga ava a va hathidego ni gu va kategisa.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vagalatiya 5:5

Gasi ethu hi na ni gutumba gukhethu Kristo a na hi hakha; khiso hi tumbago khu tshivba nya Liphuvbo nya Guage hi yi manago khu gukhodwa.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

Vaefeso 3:16

nyi mu lomba gukheni, khu gutala nya wufumu waye, a mi tiyise myonyoni gwanu khu tshivba nya Liphuvbo nya Guage.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vaefeso 4:4

Gyomo givili gimwegyo basi, ni Liphuvbo limwedo basi, kha nga gambe a gu gimwegyo basi gitumbo mu ranedwego igyo khu Nungungulu.

Vaefeso 5:8

Enu, gale mu di gu vbanya gidemani. Gasi olu, mu nga tshanganiswa ni Pfhumu, mu womo guwonegelani. Khavbo avbo, dzi phareni kha nga vathu va vbanyago safani nya mihani.

Vafilipi 3:14

Khu magirelo yoyo, nya gu simama gu hongola mbeli kala mahegiso, gasi guya mana tshatshazelo Nungungulu a tumbisidego guya hi ninga Ndzadzini khu ga Kristo Jesu.

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

Vakolosi 1:5

Gikhati nya guhegule mu hakhidego Mahungu Yadi nya lisine, mu pwide na gu ganedwa khu gutumba hi ningwago khayo. Khu kharato, gutumba ni lihaladzo lanu sa gu seketedwa khu gutumba mu vegedwego Ndzadzini.

Vakolosi 2:2

Nya gu thumela gukheni va mane gutiya monyoni ni gukheni va dzipwe na va patane khu lihaladzo, na va fumide khu guti sihalo nya gikungo gya Nungungulu. Sihalo yoyu khu Kristo,

Vakolosi 3:15

Myonyoni gwanu gu na fume gurula gwa Kristo, mu ranedwago ugo mu gu wumba givili gimwegyo. Khalani vathu va kodzago gubonga.

1 Vatesalonika 2:12

Hi mi embede, hi mi tiyisa ni gu mi yeyedzani, edzi mu vbwetago gu landra khidzo gudzina gwa Nungungulu, a mi ranidego guya belani wudhumoni nya Wufumu waye.

1 Vatesalonika 5:8

Gasi ethu hi lumbago, mihani, ha gu vbanya khu gu dzi phara, hi vhikedwa khu gitshangu nya gukhodwe ni lihaladzo, ni gihugu nya litunga a gu gutumba nya guvbanyiswe.

2 Vatesalonika 1:11

Khu guralo, hi ngu lomba ga Nungungulu wathu gikhati gyatshavbo khu enu, gasi a mi phasani gu girani dzifanelo nya guranwe gwanu, a mi ningani tshivba ni masuwo nya gutshambe, ni gu tiyisa gukhodwa gwanu.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

1 Thimoti 6:12

Dwana litunga nya ladi nya gukhodwe, gasi u mane guvbanya nyamba vbela, ugo u nga ranedwa ugo. Khugo u nga ninga wufakazi vbakari nya vathu nya vangi.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

Vahebheru 10:32

Alakanyani esi si nga dugelela gale, matshigu yale mu nga hakhago wenengedzo wa Nungungulu; mu wonide tshanisa nya yikhongolo, aholu, gima kha mwa padwa litungani.

Vahebheru 6:4

Va na dzi khodza kharini gu dzi laya nyaluphye ava va nga diga gukhodwa? Kholu avo va diri guwonegelani ga Nungungulu, va di hakhide giningwa gya ndzadzini, gambe va di hakhide Liphuvbo nya Guage.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.