Vaefeso 1:11 - Bhibhiliya Nya Guage

¹¹ Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:11 Iomraidhean Croise

Joba 12:13

Nungungulu khuye a gu na ni guti ni tshivba, khuye a layago vathu bwelo khavbo a va ninga mapimo.

Joba 33:29

Wona nya gukhuwe, satshavbo sesi, mithumo ya Nungungulu, a girelago vathu nyondro mbili mwendro nyondro tharu,

Dzindzimo 37:18

Pfhumu Nungungulu a ngu mati matshigu nya vathu nya gululame; livelego lawe li na simama kala gupindruga.

Mavingu 8:14

Iso si lumbago eni, khu wusingalagadzi ni guti nya lisine; eni kheni gupimisa, nyi na ni tshivba.

Isaya 25:1

Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.

Isaya 28:29

Satshavbo sesi sa guta khu ga Pfhumu Nungungulu nya Tshivba Yatshavbo, kholu wusingalagadzi waye wu ngu samadzisa, gambe khongolo khu guti.

Isaya 5:19

Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Jeremiya 23:18

Kholu khu mani wawe a wu tigo wusingalagadzi wa Pfhumu Nungungulu gasi gu wona ni gupwa magana yaye? Khu mani a dzi vegisidego ni gupwa magana yaye?

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Zakariya 6:13

Uye kamwe khuye a na vbahedzago Nyumba ya Pfhumu Nungungulu, a na ambagiswa wudhumo, a gu fumela vathu na khade khu vbagikhalotunu gwaye nya wufumu, a na bhanya gumogo wuphasi nya mhamba ni wufumeli, gambe gu na manega gupwanana vbakari gwawe va vavili.

Mithumo 13:48

Va nya mayigo, na va pwide magana yaya, va di nengela, va gu rungudza mahungu ya Pfhumu; vatshavbo va nga bani va emisedwe gu hakha guvbanya nya gupindruge, va di khodwa.

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 20:27

kholu eni nyi mi tiviside makungo yatshavbo ya Nungungulu. Gimwalo nyi mi sihedego.

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 4:28

vafela gu gira esi u nga si dongisela khu gale khu tshivba ni guti gwago.

Varoma 11:34

Milowo nya Guage yi ngu ganela gwadi, khiyo: “Khu mani a gutigo gu hingigedza ga Pfhumu? Khu mani a mu ningago wusingalagadzi?

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

Varoma 8:29

Kholu, vale Nungungulu a nga bani a va hathide khu gale, a va vegisede gu va tshanganisa gumogo ni Mwanaye, gasi Mwanaye a khale matiwula vbakari nya vandruye nya gutale,

Varoma 8:30

a va a nga bani a va hathide khu gale. Avo a nga va ranago a va giride vathu nya gululame, a va ninga wuhigo nya guhengele wudhumoni gwaye.

Varoma 9:11

Nasi gu hefemuli, sanana si si guti gughoha, mwendro gu gira gululama, gasi gu yeyedza gwadi gupwani makungu ya Nungungulu ma girwa khu gu hatha nya gu gole gwaye, nasiri gukhedza khu mithumo, aholu gola ga Nungungulu a ranago.”

Vagalatiya 3:18

Kholu ha gukhethu ha gu ningwa thomba khu Nayo, gu yeyedza gu pwani kha hi nga gu ningwa gambe khu gitumbiso. Aholu, Nungungulu ningede thomba mahala ga Abrahama khu gitumbiso.

Vaefeso 1:14

Khilo gitumbiso nya thomba yathu, eyi Nungungulu a yi vegisedego vathu vaye; olu hi ngarigu vbakari nya gulindrele, khilo Liphuvbo li hi ningago gutumba guya hakha thomba, gasi wu rungudzwe wudhumo waye.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 1:5

Uye a hi hathide a hi vegisede wuhigo nya gu hi gire sanana Saye khu ga Kristo.

Vaefeso 1:8

a nga hi vbaladzelago na wu tade khu guti ni gupima.

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vaefeso 3:11

Owu khu sihalo wu dongisedwego khu Nungungulu gukhugela guhegulani, wu wonegisidwego olu khu ga Kristo Jesu, Pfhumu yathu.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

Vakolosi 3:24

Dzitini gukhenu Pfhumu a na mi tshatshazela a mi ninga guhodza thomba yaye. Enu mwa gu thumela Kristo a gu Pfhumu nya lisine.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

Vahebheru 6:17

Nungungulu a di vbweta gu tiyisa gukhuye gikungo gyaye gima kha gi na vbindrugedza ga vale va nga fanela gu hakha gitumbiso gyaye, khu guralo, a di tiyisa gitumbiso khu gusambanya.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 1:4

Gasi, hi mana thomba nyamba hina eyi yi ngamba nyenyeziswa, yisi wunigo. Mu dongisidwego iyo ndzadzini,

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.