Tito 3:5 - Bhibhiliya Nya Guage

⁵ Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

Tito 3:5 Iomraidhean Croise

Joba 15:14

Khuye mani muthu, nya gukala a dzipwa na lulamide? A na lulama kharini na velegidwe khu nyamayi?

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Joba 9:20

Ambari nya sa ghoha, magana yangu ma ngu nyi kona, nya gukheni nyi lulamide, Uye a na nyi rwega nandru.

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 143:2

U nga nyi thethisi eni githumi gyago, kholu, mwalo muthu a vbanyago nari mwalo nandru mbeli gwago.

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Dzindzimo 62:12

Lihaladzo la gu lumba Pfhumu kholu a gu bweledzela ga muthu ni muthu gukhedza khu mithumo yaye.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Isaya 57:12

Gululama gogo gwago, nyi na gu huwelela, ni mithumo yago, kha yi na gu phasa gilo.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Luka 1:50

Wuhindzi waye wu ngu thaphela mimela ni mimela ya vale va mu ningago githawo.

Luka 1:54

Endredzide Israyeli, githumi gyaye, khu gudundruga wuhindzi waye.

Luka 1:72

A fela gu yeyedza wuhindzi a giredego vababe vathu, khu gu alakanya gidzumeledzwano gyaye nya gukatege,

Luka 1:78

khu wuhindzi nya wukhongolo wa Nungungulu wathu, hi ngu mana gu endredwa khu guwonegela gutago khu Ndzadzini,

Varoma 11:14

Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa.

Varoma 11:6

Khu kharato, a gu bani ari khu wuhindzi, nasiri khu mithumo; a gu bani ari kharato, wuhindzi kha wu phasi gilo.

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 3:20

Khu guralo, muthu lulamide mbeli gwa Nungungulu khu kotani nya gulandrise mithumo yi rumwago khu Nayo; kholu Nayo wa gu tulela muthu gu dziti gukhuye gighohi.

Varoma 3:28

Khu guralo, hi ngu tivisa gukhethu muthu a gu sayedwa gululama khu gukhodwa, nasiri khu mithumo ya Nayo.

Varoma 4:5

Aholu, muthu a khodwago ga Nungungulu, a gu uye a hakhago gighohi, gukhodwa gwaye gu na mu gira muthu nya gululame.

Varoma 9:11

Nasi gu hefemuli, sanana si si guti gughoha, mwendro gu gira gululama, gasi gu yeyedza gwadi gupwani makungu ya Nungungulu ma girwa khu gu hatha nya gu gole gwaye, nasiri gukhedza khu mithumo, aholu gola ga Nungungulu a ranago.”

Varoma 9:16

Kholu kha pimi khu gugola mwendro khu gu dzi garadza nya muthu, aholu a gu pima khu guhaladza gwaye basi.

Varoma 9:30

Ha guvbweta gukhethu ginani khu satshavbo sesi? Ha guvbweta gukhethu vale va si gu Vajudha, va nga bani va si landreli Nungungulu, va wonidwe na va lulamide mahoni gwa Nungungulu khu kotani nya gukhodwe.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

Vagalatiya 2:16

Aholu hi ngu dziti gukhethu muthu kha sayedwi gululama khu kota nya mithumo ya Nayo, aholu khu gukhodwa linani ga Kristo Jesu. Ethu ha gu khodwa ga Kristo Jesu hi fela gu lamudwa khu kota nya gukhodwe nasiri khu kota nya gulandrise guruma nya Nayo. Kholu muthu kha na sayedwa gululama khu kota nya gulandrise esi si rumwago khu Nayo.

Vaefeso 2:4

Aholu, Nungungulu tade khu wuwadi nya wukhongolo, khu lihaladzo laye nya likhongolo a hi godego khilo.

Vaefeso 4:23

Dzi garadzeni khu gu vbindrugedza mavbanyelo mu khala vathu vaphya myonyoni ni mapimoni gwanu.

Vaefeso 5:26

Uye giride esi khu gufela gu li handza a li agisela khu mati ni magana yaye, a li ningela ga Nungungulu.

Dhewuteronome 9:5

Khandri khu kotani nya gululame gwago, gambe khandri khu kotani nya wuwadi nya monyo wago u na belago u fumela litigo lawe, aholu khu kotani nya wuvivbi wa mayigo yaya Pfhumu Nungungulu wago, a ma tutumisago mbeli gwago; gasi gu tiyisa magana Pfhumu Nungungulu wago, a sambanyidego ga vababe vago, Abrahama, Isaki ni Jakobe.

Vakolosi 3:10

mu ambade muthu muphya oyu a vbahwago nyaluphye khu guti gasi a fanana ni muwumbi waye.

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

Tito 3:4

Aholu, olu Nungungulu, Muvbanyisi wathu, yeyedzide wuwadi ni lihaladzo laye ga vatshavbo.

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

Vahebheru 4:16

Khavbo avbo, hongoleni hi tiye hi hidzimela vbagikhalotunu nya wufumu wa Nungungulu nya gutale khu wuhigo, avbo hi na ya manago guvbanya ni gu phasedzedwa hi gu vbwetago gikhati gyatshavbo.

Vahebheru 6:6

Ambari ulo, va di diga gukhodwa. Khu guralo, kha gu kodzegi gu wuya va dzi laya nyaluphye, kholu va gu khokhothela gambe sivilini gwawe Mwamana wa Nungungulu, va mu poyila.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

1 Pedro 2:10

Gale enu mu di siri vathu va Nungungulu, Olu mu vathu vaye; gale mu di si wuti wuhindzi wa Nungungulu, olu mu wu hakhide.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.