Tito 3:3 - Bhibhiliya Nya Guage

³ Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Tito 3:3 Iomraidhean Croise

Genesi 38:9

Aholu Onani a di dziti nya gukhuye sanana sakone kha si na mu lumba. Khu guralo, gikhati a tshanganago ni mwangadzi wa ndriyaye a di vbaladzela vbavbandze mbewu yaye, khu gufela gumba velegela sanana ndriyaye.

Genesi 39:16

A di vegedza guambala gwa Josefa kala mune waye a gu wuya.

Dzindzimo 36:2

Kholu a gu dzi pfhadza abune afela gumba tugula ni gu nyenya guvivba gwaye.

Mavingu 8:5

Enu nyambana mapimo gengelani; enu sipumbu hevbulani gupimisa.

Mavingu 9:6

Hambanani ni va nya guvivbedwa khu monyo, mu na vbanya, gimbilani khu ndzila nya mapimo.”

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Obhadhiya 1:3

U sengidwe khu matshandza ya monyoni gwago, kha nga uye a vbanyago dziphagoni nya siwindri, u vbahidego vbatshani yoyo nya sigomo, na wu gu ganela khu monyoni gwago, khuwe: Khu mani a na nyi redago nyi thega vbavbatshi.

Matewu 21:29

Aholu igyo gi di hakha, khigyo: ‘Nyi wowe.’ Hwane nya gikhati gi di dzi laya, gi hongola.

Luka 21:8

Jesu a di hakha, khuye: “Dzi woneleni, gasi mu si kanganyiswi khu vathu, kholu va na tumbuluga nya vangi va ganela khu lina langu, khavo: Kheni Kristo. Ni gukhavo: ‘Gi ngu vboha gikhati.’ Mu nga va landri.

Johane 8:34

Jesu a di va hakha, khuye: “Khu lisine, nyi ngu mi embelani, kheni: Muthu watshavbo a ghohago, khumbi nya gighoho.

Varoma 11:30

Enu mu si gu Vajudha, gale mu di gu yeyisa Nungungulu, gasi olu a navo Vajudha va yeyisidego, enu mu hakhide wuhindzi wa Nungungulu.

Varoma 6:12

Mu nga dzumedzisi gambe gighoho gi fuma givilini gwanu nya gufe, gi mi kutsedzela gu landrisa gudogorela gwaye.

Varoma 6:17

Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego.

Varoma 6:22

Gasi olu, na mu tshulegide wugumbini nya gighoho, mwa gu thumela Nungungulu. Giphaso mu gi manago khu gu agiswa, mu wonwa na mu lulamide mbeli gwa Nungungulu, mu hegisa khu gu hakha guvbanya nya gupindruge.

Varoma 6:6

Hi ngu dziti gwadi gukhethu muthu wathu wa gale fude gumogo ni Kristo vbagihambanotunu, gasi gu pfhungumudwa guvivba gwatshavbo hi nga bani hiri nago, hifela gu tshulega wugumbini nya gighoho.

2 Vakorinto 12:20

Nyi na ni hwanga guta iyo gwanu, nyita mi mana na mu vbindrugedzide mavbanyelo yale nyi ma golago, enu nenu mu nyi wona na nyi vbindrugedzide mavbanyelo. Nyi na ni hwanga nya gukheni nyi nata mi mana na mu bede mayungani, lidiwo, mazondra, gunyenyana, gu dwana, gusingedzana, milembo, ni gumba pwanana.

Vagalatiya 6:3

Kholu muthu a gu dzi alakanya gukhuye gilo, nasiri gilo, a ngu dzi pfhadza abune.

Vakolosi 1:21

Enu nenu mu di gu vbanya hwindzo ni Nungungulu, gambe mu diri valala vaye khu myonyo ni mithumo yanu nya guvivbe,

Vakolosi 3:7

Khidzo mu nga bani mu gu gira nenu gale, mu na gu vbanya ndrani nya silo soso.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

2 Thimoti 3:6

Kholu vbakari gwawe khavo va belago khu nyumba ni nyumba va kanganyisela vanyamayi vale nyamba tiya, vale va landriselago silo nya gighoho, va ndrindrwa khu gudogolela gwatshavbo.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Tito 2:12

Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Jakobe 1:26

Oyu a alakanyago gukhuye mukhodwa, aholu a si kodzi gu phara lidimi laye, wukhodwa waye khandri wa gilo, a gu pfhadza monyo waye wurumba.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.