Tito 3:1 - Bhibhiliya Nya Guage

¹ Laya vatshavbo ava u va thangelago, va yingela mufumo ni vafumeli; va dzumele gu gira satshavbo esi nya sadi.

Tito 3:1 Iomraidhean Croise

Mavingu 24:21

Mwanangu, thava Pfhumu Nungungulu, gumogo ni mufumeli, u nga dzi tshanganisi ni vale va golago pfilupfilu.

Muhevbudzi 10:4

Wa gu ronogedwa khu mufumeli u nga khugi wulanga wago, kholu uye a dzi nogisago a ngu vbuluga mhangoni.

Isaya 43:26

Nyi embele mahungu yago, gasi hi lamulana; nyi bikele lisine lago, gasi u manega nu lulamide.

Jeremiya 27:17

“Mu nga va yingisi, thumelani mufumeli wa Bhabhiloni mu na vbanya; khu ginani mu vbwetago gukhenu lidhoropa leli li khala marumbi?”

Matewu 22:21

Va di hakha, khavo: “Khya Sezari.” Khavbo avbo, a di va embela, khuye “Ina kha, ningani ga Sezari iso si gu sa Sezari, ni ga Nungungulu iso si gu sa Nungungulu.”

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Dhewuteronome 17:12

Muthu a na kanyisago a si yingisi muphasi nya mhamba a na gu bani ari vbale gasi gu thumela Pfhumu Nungungulu wago, ambari gu yingisa mulamuli, muthu yoyo fanede gu songwa; khu magirelo yoyo mu na vbedza wuvivbi vbakari ga va na Israyeli,

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

1 Thimoti 2:2

khu vafumeli ni vathangeli nya mufumo gasi hi vbanye khu gurula, hi khalega gwadi, khu githawo gyatshavbo ni gululama.

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

2 Thimoti 1:6

Khu kharato, nyi ngu gu laya kheni sayisa gwadi, gikhati gyatshavbo giningwa gya Nungungulu u hakhidego khu gu handzegwa mandza yangu.

2 Thimoti 2:14

Va embele, u va dundrugisa silo sesi khu lina la Nungungulu, gasi gu si manegi guganedzisana nyamba phasa gilo, gu phalalegisa vale va pwago.

2 Thimoti 2:21

Khu kharato, oyu a handzegidego ga silo sesi, a na khala nga gyombo gi agidego, gi hathwa khu mune wa igyo a gi dongisela gu thuma satshavbo nya sadi.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

2 Pedro 1:12

Khu guralo, nyi na mi alakanyisa gikhati gyatshavbo silo sesi, ambari mu sitigo. Tiyani lisineni mu li hakhidego.

Judha 1:5

Ambari ulo mu matigo gwadi mahungu yaya, nya gu vbweta gu mi dundrugisa gukheni Pfhumu, hwane nya gu na tshude vathu va na Israyeli, a va dusa tigoni ga Egipito, a di mbembisa vatshavbo ava va ngamba khodwa.