Tito 2:8 - Bhibhiliya Nya Guage

⁸ Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.

Tito 2:8 Iomraidhean Croise

Nehemiya 5:9

Khu guralo va di havo kape! A hamugega ni moyo nya gu nyi hakhe. Nyi ganela gambe, kheni: “Khandri sadi iso mu girago, mu fanede gu ninga githawo ga Nungungulu wathu, gasi va nya mayigo, a gu valala vathu, va si hi giri givalo.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Marko 12:17

Khavbo avbo, Jesu a di va embela, khuye: “Ningelani ga Sezari esi si gu sa Sezari, ni ga Nungungulu esi si gu sa Nungungulu.” Va di samadziswa ngudzu khuye.

Marko 12:28

A di vboha moyo nya muhevbudzi nya Nayo, a nga vapwago na va gu ganedzisana. Khu gu wona gukhuye Jesu a va ningide phindrulo nya yadi, a di hidzimela a gu mu wudzisa, khuye: “Khu wevbini nayo nya guhegule ga yatshavbo?”

Marko 12:32

Muhevbudzi nya Nayo a di khuye: “Khidzo, Muhevbudzi! U ganede gwadi khuwe Nungungulu moyo basi, mwalo mumbe vbavbandze gwaye;

Marko 12:34

Jesu, na wonide gukhuye phindrude khu mapimo nya guti, a di mu embela khuye, “U mwalo hwindzo ni Mufumo wa Nungungulu.” Gukhugela avbovbo mwalo gambe a nga tiya gu mu wudzisa silo.

Luka 13:17

Na ganede esi, valala vaye vatshavbo va di tala khu dzitshoni; gasi gidzemo gi di nengela khu mithumo yatshavbo nya gululame a nga bani a gu gira.

2 Vatesalonika 3:14

Aholu a gu manega muthu nyamba landrisa milayo yeyi hi mi ningago khu lidangalila leli, mu khedzeni gwadi, mu nga hengeli naye, gasi afela gu khala dzitshoni.

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

1 Thimoti 6:3

A gu bani a romo muthu a hevbudzago silo nya guhambane, a si landri sihevbulo nya lisine sa Pfhumu yathu Jesu Kristo, a gu sihevbulo nya gululame,

Tito 3:14

Vandriyathu gu vbwetega va hevbula gu gira esi nya sadi ni gu phasa ava va hamugago, gasi guvbanya gwawe gu ninga giphaso.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 2:15

Kholu Nungungulu a gu vbweta gukhuye enu mu gire esi nya sadi, gasi sipumbu ni mapemi va si mani gilo nya guganele khu enu.

1 Pedro 3:16

Aholu, girani esi khu monyo nya gurule ni githawo, kha nga vathu va tengidego mapimoni gwawe, gasi mwa gu vadwa, vale va ganelago guvivba khu mavbanyelo yanu nya yadi nya wukristo, va na khala dzitshoni.