Tito 2:2 - Bhibhiliya Nya Guage

² Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

Tito 2:2 Iomraidhean Croise

Joba 12:12

Guti gu na ni vale va gumbidego. Guvbanya matshigu nya gulaphe gu ngu ninga gupimisa.

Dzindzimo 92:14

Ambari na va gumbide, va na ninga mihandro, gikhati gyatshavbo va na mana tshivba, va tala khu womi,

Mavingu 16:31

Ndzudzu nya dzinvi gihugu nya wudhumo, wu manwago khu mavbanyelo nya gululame.

Isaya 65:20

Kha gu na manega gambe gwawe sanana nya guvbanye matshigu madugwana, ambari sikhosane nya gumba tshanganisa matshigu nya guvbanye gwawe; kholu oyu a na fago nari ni lizana (100) myaga, a na bani na ngari lidzaha, aholu gumba tshanganisa lizana myaga, gu na wonwa kha nga givalo.

Levhi 19:32

U na khuga u ema u ninga githawo vathu nya dzinvi; mu ninga githawo vathu vakhongolo. Thava Nungungulu wago. Eni kheni Pfhumu Nungungulu.

Marko 5:15

Na va vbohide avba a nga bani a romo Jesu, va di wona muthu wule a nga bani ari ni maphuvbo nya guvivbe na khade, na ambade dzingandzu dzaye, nari ni mapimo yaye yatshavbo, va di khala hwanga.

Luka 8:35

Va di hongola vathu, gasi guya wona iso si nga dugelelago. Na va vbohide avbo a nga bani a romo Jesu, va diya wona wule a nga bani ari ni maphuvbo nya mandriki, na khade migondroni gwaye, na ambade dzingandzu dzaye, nari ni mapimo yaye yatshavbo, va di khala hwanga.

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Varoma 12:3

Khu kota nya thumo Nungungulu a nyi ranedego uwo vbakari gwanu, nyi ngu laya moyo ni moyo wanu gukheni mu nga dzi sayeli guvbindra fanelo. Aholu dzi sodziseni, muthu ni muthu a dzi vega vbawulangatunu gwaye gukhedza khu wuhigo ni wukhodwa a ningidwego khu Nungungulu.

1 Vakorinto 15:34

Digani mavbanyelo nya guvivbe, vbanyani khu ndruda kha nga edzi a dzinago khidzo Nungungulu! Kholu, vbakari gwanu vomo va si mutigo Nungungulu. Nya gu ganela esi khu gufela gu mi thela dzitshoni.

1 Vakorinto 9:25

Vathu vatshavbo va girago mapalisana va gu dzi phara siloni satshavbo. Va gu gira satshavbo esi khu gufela gu koka givango nya simbo nyamba hwela gufa. Gasi ethu ha gu thumela gu koka givango gi vbanyago kala gupindruga.

2 Vakorinto 5:13

Kholu nya gu bani nyi vbede mapimo, nya gu gira khu kotani ya Nungungulu; nya gu wonega gukhwatshi nya gu wuyisa mapimo, khu kotani gwanu.

Vagalatiya 5:23

gu dzi rudzisa, gu hunga monyo. Mwalo Nayo wu dzi kodzago gu wugela silo nya nga esi.

Vafilipi 4:8

Khu guhegisa, vandruye, nyari kheni thelani kota khu esi nya lisine, nya gululame, nya guyele, nya guagiswe, nya gugolege, esi nya wuzundzo, nya ndruda, si yelago gu dhumiswa.

1 Vatesalonika 5:6

Khu kharalo, hi nga khali na hi lade nga vambe, hongoleni hi khedzisele, hi vbanye khu gu dzi phara.

1 Vatesalonika 5:8

Gasi ethu hi lumbago, mihani, ha gu vbanya khu gu dzi phara, hi vhikedwa khu gitshangu nya gukhodwe ni lihaladzo, ni gihugu nya litunga a gu gutumba nya guvbanyiswe.

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

1 Thimoti 1:14

Gambe wuhigo wa Pfhumu yathu Jesu Kristo wu tade ngudzu, ni gukhodwa ni lihaladzo hi gu nalo ga Kristo Jesu.

1 Thimoti 1:2

nyi ngu gu lovela eli lidangalila, uwe Thimoti, gyanana gyangu nya lisine gukhodwani. Wuhigo ni lihaladzo ni gurula gutago khu ga Nungungulu Babe wathu ni ga Jesu Kristo, Pfhumu yathu, gu na khale ni uwe.

1 Thimoti 1:5

Aholu, fanelo nya gihevbudzo gyathu, khu gu wusa lihaladzo li dugago khu monyoni wu agidego, khu mapimoni nya yadi, ni gukhodwa nya lisine nyamba pfhadzedzela,

1 Thimoti 3:11

Vanyamayi navo, gu vbwetega vale va lulamidego, va gu mwalo milembo, va dzi pharago, va tumbegago ga silo satshavbo.

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 3:4

Oyu a kodzago gu fumela ndranga yaye, a kodzago gu hevbudza githawo sanana saye.

1 Thimoti 3:8

Khu magirelo ya mamowo, Vadhiyakoni navo gu vbwetega vari vathu va zundzegago ni gu ganela lisine, va si dzi ningedzeligo wadwani, ni maalakanyo nya guvbwete wutetema,

1 Thimoti 5:1

U nga kawuki ni gu ronogela muthu nya khongolo nya guvbindre uwe, aholu, mu kawuke nga babe wago. Madzaha ma kawuke nga vandriyago.

Tito 1:13

Iso a ganedego lisine. Khu guralo, gu vbwetega u va kawuke khu tshivba gasi va fela gu tiya gukhodwani nya lisine;

Tito 1:8

Aholu, gu vbwetega oyu a kodzago gu hakha vapfhumba, a gola esi nya sadi, gu vbwetega muthu nya mapimo a gu ni lisine, a gu mukhodwa, ni ndruda;

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

Filemoni 1:9

khu lihaladzo nyi ngu gu lomba, eni Pawulo, nyi gu wa kharati, nyi gumbidego, olu nyi khadego gambe gibotshwa gya Kristo Jesu.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

2 Pedro 1:6

guti mu gu wonegisa khu gu dzi phara; gu dzi phara mu gu pata ni gutimisela; gutimisela mu gu tadzisa khu githawo ga Nungungulu;