Tito 2:12 - Bhibhiliya Nya Guage

¹² Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Tito 2:12 Iomraidhean Croise

Dzindzimo 105:45

a va girede esi gasi va sayisa sileletelo saye, va landrisa milayo yaye yatshavbo. Dhumisani Pfhumu Nungungulu!

Dzindzimo 4:3

Dzitini gukhenu Pfhumu Nungungulu a dzi hathede oyu a khodwago gwaye. Pfhumu Nungungulu a ngu nyipwa nya gu mu rana.

Ezekiyeli 36:27

Nyi na thela ndrani gwanu liphuvbo langu, nyi mi gira mu landrisa sileletelo sangu, mu vegedza milayo yangu ni gu yi landrisa.

Matewu 12:32

Uye a valago Mwamana wa Muthu a na tsetseledwa; gasi uye a valago Liphuvbo nya Guage kha na tsetseledwa, ga gikhati gegi ambari ni ga igyo gi nga gutago.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 1:75

na hi agisidwe hi gu lulama mahoni gwaye matshigu yatshavbo nya guvbanye gwathu.

Johane 14:30

Kha nyi na ganela ngudzu nanu, kholu a ngu vboha mufumeli nya litigo leli. Uye gimwalo gilo a na girago avba gwangu,

Johane 6:25

Na va mu mane khisikheyi, va di mu wudzisa, khavo: “Rabi, u vbohide vbanyalini avba?”

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 6:12

Mu nga dzumedzisi gambe gighoho gi fuma givilini gwanu nya gufe, gi mi kutsedzela gu landrisa gudogorela gwaye.

Varoma 6:19

Nya gu ganela kharati khu maganelelo nya wuthu khu gu dziti gukheni si ngu mi garadzela gu si pima silo sesi. Gale mu di dzi ningela gu khala dzikhumbi nya wubhayi ni guvivba gwatshavbo mu fela guthuma mithumo nya guvivbe. Olu dzi ningeleni gambe khu monyo watshavbo gu thumela gululama, mu fela gu agiswa.

Varoma 8:13

Kholu mwa gu landrisela mavbanyelo nya gudogolele gogo, mwa gu bela khu ndzila yi mi yisago gufani. Aholu mwa gu songani mithumo nya wughohi khu tshivba nya Liphuvbo nya Guage, mu na vbanya.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vakolosi 1:22

gasi olu, khu gufa Gwaye, Nungungulu a mi giride dzipari dzaye, afela gu mi emisa mbeli gwaye na mu vbelede gululama, na mu agide nyambana livala ni gusolega.

1 Vatesalonika 4:7

Nungungulu kha hi ranela guvivba, a di hi ranela gu vbanya khu ndruda.

1 Vatesalonika 4:9

Mahungu nya lihaladzo ga vandriyathu khu gukhodwa, kha gu vbwetegi gu ganela gambe khiso, kholu enu mu hevbudzidwe khu Nungungulu gu haladzanani.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

2 Thimoti 3:12

Vatshavbo vale va vbwetago gu vbanya khu gukhodwa ga Kristo Jesu va na saniswa.

2 Thimoti 4:10

kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Vahebheru 8:11

Mwalo ni moyo a na hevbudzago muthu kwawe, mwendro ndriyaye, khuye: Zama guti Pfhumu, kholu vatshavbo va na nyiti, gukhugela ava nya vadugwana kala nya vakhongolo.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.

2 Pedro 3:11

Olu silo satshavbo si na gu mbembisago guralo, gu vbwetega mu vbanya khu mavbanyelo nya yadi nya wukhodwa, nya gutsakise Nungungulu.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.

1 Johane 2:6

Oyu a gukhuye a ngu khala naye, gu vbwetega a vbanya nga edzi a nga vbanyago khidzo Jesu Kristo.

1 Johane 5:19

Ethu hi ngu dziti gukhethu hi vathu va Nungungulu, ni gukhethu litigo latshavbo lomo vbavbatshi nya tshivba ya Sathane.

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”

Gutuledwa 14:12

Khigyo egi gikhati nya dzindrena nya gukhodwe; vale va timiselago va vegisa milayo ya Nungungulu ni gukhodwa ga Jesu.