Tito 1:9 - Bhibhiliya Nya Guage

⁹ gu vbwetega oyu a tiyidego, a tumbegidego omu nya sihevbudzo nya lisine, afela gu kodza gu tiyisa vakwawe khu sihevbudzo nya lisine, ni gu kawuka ava va ganedzago sihevbudzo sesi.

Tito 1:9 Iomraidhean Croise

Joba 2:3

Pfhumu Nungungulu a di mu wudzisa, khuye: “Ina u di nga wona githumi gyangu Joba, gani? Kholu mwalo muthu mafuni momu a lulamidego ni gutumbega, a thavago Nungungulu ni gu nyenya guvivba, gufanana naye, kala nolu a nga tiyide gululamani, ambari olu u nyi kutsedzedego gu mu dusela silo saye satshavbo nari mwalo nandru.”

Joba 27:6

Nyi na namarela gululamani gwangu, kha nyi na gu diga; na nyi nga gu vbanya, ni litshigu limwedo, monyo wangu wu nga nyi kawuki.

Mavingu 23:23

Renga lisine, u nga li rengisi; renga guti, sihevbulo ni mapimo.

Mithumo 18:28

Kholu a di ganedza Vajudha khu tshivba vbakari nya vathu, a va yeyedza khu Milowo khuye Jesu khu Kristo.

1 Vakorinto 14:24

Aholu, mwatshavbo mwa gu tivisa mahungu ya Nungungulu, a bela muthu nyamba khodwa, mwendro mumbe muthuyo, khu gupwa magana yanu, a na alakanya, a tugula sihoso saye.

1 Vatesalonika 5:21

Khedzani gwadi satshavbo; mu vegisa esi nya sadi,

2 Vatesalonika 2:15

Khu kharato, vandruye, emani mu tiya, mu sayisa sihevbulo nya tumbunugo, esi hi nga mi hevbudzani khu magana, ambari khu malangalila yathu.

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

1 Thimoti 4:9

Mahungu yaya ma tiyide ngudzu, ma ngu yela gu tumbwa.

1 Thimoti 6:3

A gu bani a romo muthu a hevbudzago silo nya guhambane, a si landri sihevbulo nya lisine sa Pfhumu yathu Jesu Kristo, a gu sihevbulo nya gululame,

2 Thimoti 1:13

Phara khu gutiya ni gukhodwa ni lihaladzo u li manago ga Kristo Jesu, mahungu yaya nya yadi u ma pwidego ga eni, gasi ma khale giyeyedzo gwago.

2 Thimoti 2:2

Esi u nga hevbulago gwangu vbakari nya dzifakazi nya dzingi, hevbudza vathu va tumbegidego va na gu kodzago gu hevbudza navo vambe.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

2 Thimoti 3:14

Aholu uwe simama u tiya ga esi u hevbudego u si hakha khu gukhodwa. U ngu dziti gukhuwe u si hevbude ga mani.

2 Thimoti 4:3

Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Tito 2:1

Uwe hevbudza esi si longolokago ni sihevbudzo nya lisine.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.

Gutuledwa 2:25

Aholu, vegisani eyi milayo mu gu nayo kala nyi gu wuya.

Gutuledwa 3:11

“Nyi nguta nugunugu. Iso u gu naso si vegedze, gasi u si dzegedwi gihugu gyago nya wudhumo.

Gutuledwa 3:3

Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.