Tito 1:8 - Bhibhiliya Nya Guage

⁸ Aholu, gu vbwetega oyu a kodzago gu hakha vapfhumba, a gola esi nya sadi, gu vbwetega muthu nya mapimo a gu ni lisine, a gu mukhodwa, ni ndruda;

Tito 1:8 Iomraidhean Croise

1 Dzipfhumu 5:1

Hiramo mufumeli wa Tiro, a di rumela sithumi saye ga Solomoni, kholu a dipwa gupwani Solomoni todzidwe a wumbedwa gu khala mufumeli wulangani ga babe waye Dhavhidhe, kholu Hiramo gikhati gyatshavbo a di gu golana ni Dhavhidhe.

1 Dzipfhumu 5:7

Avbo Hiramo, a nga pwago mahungu yaya ya Solomoni, a di tala khu gutsaka ngudzu, a ganela, khuye: “A na rungudzwe Pfhumu Nungungulu, a ningidego Dhavhidhe gyanana nya gutale khu mapimo gasi gu fumela vathu vava nya gutale ngudzu!”

Dzindzimo 16:3

Vanungungulu nya malipha va mafuni, avo va gupwani va na ni tshivba, avo gale nyi nga bani nyi va khozela, kha va phasi gilo.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

1 Vatesalonika 2:10

Enu mu dzifakazi, Nungungulu nuye, nya edzi hi khadego khidzo vbakari gwanu, enu vakhodwa. Hi khade khu gululama, ni wuwadi nyamba solega.

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.

2 Thimoti 3:3

Va na bani vari vathu nyambana lihaladzo ni wuhengeli. Va na singedzana khu gyawe. Va na bani vari vathu nyamba khodwa ni gumba dzi phara, va nya guhambana ni wuthu, va nyamba vbweta esi nya sadi,

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

1 Johane 3:14

Hi ngu dziti gukhethu hi dugide khu gufani hi bela guvbanyani. Ha gu dziti kholu hi ngu haladza vandriyathu. Oyu a si haladzigo ndriyaye a nga fude.

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.

1 Samuweli 18:1

Hwane nya mabhulo yaya ya Dhavhidhe ni Sawule, Jonatane a di manega na gu gola ngudzu Dhavhidhe; Jonatane a di gola Dhavhidhe kha nga idzo a dzi golago khidzo wurumba waye.