Tito 1:2 - Bhibhiliya Nya Guage

² li gu seketedwa khu gutumba nya guvbanye nya gupindruge. Nungungulu a si liphigo, a hi tiviside ogu guvbanya khu gale ni gale.

Tito 1:2 Iomraidhean Croise

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Marko 10:17

Na gu duga a hongola, a di khingwa khu mwama na gu tutuma, a ta khidzima migondroni gwaye a mu wudzisa, khuye: “Muhevbudzi nya wadi, ginani nyi fanelago gu gira gasi nyi mane guvbanya nya gupindruge?”

Marko 10:30

a na gumba bweledzedwa lizana dzinyondro, dzindranga, vandruye, vamayi ni vababe, ni sanana marembwe gumogo ni sisaniso, na nga gu vbanya mafuni momu, gambe ga gikhati gitago a na hakha guvbanya nya gupindruge.

Johane 10:28

Nyi ngu dzi ninga guvbanya nya gupindruge, gima kha dzi na mbemba; mwalo a na gu nyi wandrelago.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Johane 6:54

Uye a hodzago givili gyangu ni gusela novba wangu a na ni guvbanya nya gupindruge; eni nyi na mu wusa litshigu nya mahegiso.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Mithumo 15:18

a ngu ganela Nungungulu a nga tulelago gu tidwa silo sesi khu myaga ya gale.’

Varoma 1:2

Aya Nungungulu a ma tumbisidego gale khu vaprofeti omu nya Milowo nya Guage

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 5:2

Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

Varoma 5:4

Gutimisela gu ninga gutiya musilingoni; gutiya gu ninga gitumbo.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

1 Vatesalonika 2:15

Avo va di songa Pfhumu Jesu, ni vaprofeti, va tutumisa ethu nethu. Avo kha va tsakisi Nungungulu, kha va vbweti nya sadi ga vathu.

1 Vatesalonika 5:8

Gasi ethu hi lumbago, mihani, ha gu vbanya khu gu dzi phara, hi vhikedwa khu gitshangu nya gukhodwe ni lihaladzo, ni gihugu nya litunga a gu gutumba nya guvbanyiswe.

1 Thimoti 6:12

Dwana litunga nya ladi nya gukhodwe, gasi u mane guvbanya nyamba vbela, ugo u nga ranedwa ugo. Khugo u nga ninga wufakazi vbakari nya vathu nya vangi.

1 Thimoti 6:19

Khavbo va na manago thomba nya yingi yi na gu va thumelago, khu gikhati gi na gutago, gasi va mane guvbanya nya lisine.

2 Thimoti 1:1

Eni, Pawulo, Mupostoli wa Kristo Jesu khu guhaladza ga Nungungulu, nyi rumidwego gu tivisa gitumbo nya guvbanye, a hi giredego khu Kristo Jesu,

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

2 Thimoti 2:10

Khu guralo, eni nya gu timisela satshavbo khu kotani nya sihathwa, nya gu girela gukheni a navo va mane guvbanyiswa gogu ga Kristo Jesu, gumogo ni gidhumo nya gupindruge.

2 Thimoti 2:13

Ha gumba tumbega ethu, uye a na simama gu tumbega, kholu uye kha dzi kodzi gu dzi danga abune.

2 Thimoti 2:15

Khala nu dzi dongisede u manega mbeli gwa Nungungulu nga githumi nyambana dzitshoni, nga idzo a dzinago khidzo uye. Khu kharato, ganela mahungu nya lisine, nya gululame.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Tito 2:7

Uwe nuwe gu vbwetega u khale giwonelo nya mithumo ya yadi ga satshavbo; guhevbudzani yeyedza lisine, u yeyedza gululama khu mavbanyelo yago.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

1 Johane 2:25

Egi khu gitumbiso a nga hi tumbisago nya gukhuye a na hi ninga guvbanya nya gupindruge.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Judha 1:21

Dzi vegeni lihaladzoni la Nungungulu, na mu gu lirela gukhenu, Pfhumu yathu Jesu Kristo, khu wuhindzi waye a mi ninge guvbanya nya gupindruge.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Gutuledwa 17:8

“Girengo u nga gi wona gi diromo, aholu gi mwalo gambe; gya gu duga khu phalani giya mbembiswa; vathu va tigoni, vale malina yawe ma sa lowago libhukuni nya womi, gukhugela nya gu vangwe litigo, va na samadziswa khu gu wona gukhavo girengo gi nga bani giromo, gi mwalo gambe, aholu gi na tumbuluga nyaluphye.

1 Samuweli 15:29

Wudhumo wa Israyeli wu mwalo malipha ambari gu vbindrugedza, kholu khandri muthu nya gukhuwe a na dzi laya.”