Tito 1:14 - Bhibhiliya Nya Guage

¹⁴ Va nga luzi gikhati khu gu yingisela mitsheketo nya guganedwe khu Vajudha, ni sihevbudzo nya tumbunugo nya guvangwe khu vathu va hambanago ni lisine.

Tito 1:14 Iomraidhean Croise

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Matewu 15:9

Milombelo va nyi girelago khya malipha, kholu milayo va hevbudzago khya vathu.”

Marko 7:7

Milombelo va nyi girelago khya malipha kholu, milayo va hevbudzago khya gu yi khugela.’

Vagalatiya 4:9

Gasi olu mu mutigo Nungungulu, ni olu muhuno mu tidwago khu Nungungulu, khu ginani mu bwelelela hwane muya dzi gira gambe dzikhumbi nya silo si gu mwalo giphaso?

Vakolosi 2:22

Sileletelo si tshipago khu nango yakone kha nga milayo ni sihevbudzo satshavbo nya vathu.

2 Thimoti 4:4

Va na diga gu yingisa sihevbudzo nya lisine va gu tutumela mitsheketo.

Tito 3:11

Kholu u ngu dziti gwadi nya gukhuwe muthu nya guralo mwalo gambe rendre. Sighoho saye sa gu yeyedza gupwani ndreyide.

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

2 Pedro 2:22

Iso si giregidego ga vathu vava gu yeyedza lisine nya esi si ganedwago nya gupwani: “Yimbwa ya gu bwelelela vbamagosetunu gwaye; khumba yi handzidwego ya gu bwelela yi ya puluwundra gambe maragani.”