Tito 1:13 - Bhibhiliya Nya Guage

¹³ Iso a ganedego lisine. Khu guralo, gu vbwetega u va kawuke khu tshivba gasi va fela gu tiya gukhodwani nya lisine;

Tito 1:13 Iomraidhean Croise

Dzindzimo 119:80

Monyo wangu wu na vbelele khu gu landrisa sileletelo sago, gasi nyi si thedwi dzitshoni. Caf

Dzindzimo 141:5

Nya gu tsayiswa khu muthu nya gululame, nya gu wona nari gwadi ga eni, a gu nyi kawuka, gu na gira nga mafura nya gunungele gwadi, nyi thedwago hungoni gwangu. Aholu gima kha nya dzumela gu zundzwa khavo va girago guvivba, kholu kha nyi garali khu gu lombelela nyi dwana ni mithumo yawe nya guvivbe.

Mavingu 27:5

I tshukwana wule a kawukago guwonegelani, guvbindra lihaladzo nya gusengedzele.

Levhi 19:17

U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye.

2 Vakorinto 13:10

Nya gu lova silo sesi, nyi si gu vbohi iyoyo, gasi nyi siti gira gambe khu kanu nya guta iyoyo. Pfhumu a nyi ningide tshivba, nya gu thume guvbaha, nasiri gu khungumula.

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

1 Thimoti 5:20

Avo va ghohago va kawuke mwandrani, gasi vale vambe va fela gu khala hwanga.

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.

Tito 2:15

Hevbudza silo sesi satshavbo, u laya ni gu kawuka khu tshivba yatshavbo u ningidwego. U nga dzumeli ni moyo a gu yeyisa.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.