Sofoniya 3:7 - Bhibhiliya Nya Guage

⁷ Eni nyi di, kheni: Khu lisine, olu mu na nyi ninga githawo; mu dzumela gulaywa; khu kharato ndranga yanu ya sa mbembiswa, kha nga idzo nyi nga bani nyi na hungide khidzo, aholu avo va di vindrugela guwuga ni dzimindru va gu ghohetela sigiro sawe.

Sofoniya 3:7 Iomraidhean Croise

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

2 Dzikoronika 33:11

Khavbo avbo, Pfhumu Nungungulu, a di va resela vathangeli nya dzinyimbi dza mufumeli wa Asiriya, va ta mola Manasi va mu hunga khu makhetshe, va mu yisa Bhabhiloni.

Joba 36:10

A gu va tula dzindzeve gasi va yingise sihevbulo, a va ruma gu va dzi laye khu guvivba va giridego.

Dzindzimo 32:8

Nyi na gu hevbudza nyi gu nonedza ndzila u na yi landrago; nyi na gu khedzisela, nyi khala singalagadzi wago.

Mavingu 19:20

Yingisa gulaywa u dzumela sileletelo, u na hegisa khu gu khala muthu nya guti matshiguni matago.

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 25:5

avbo va nga bani va mi embela, khavo: Olu, vbindrugedzani mavbanyelo, muthu ni muthu a diga ndzila yaye nyamba yadi ni mithumo yaye nya guvivbe, gasi mu kodze gu khala ga litigo Pfhumu Nungungulu a ningidego enu ni vababe vanu, gukhugela matshiguni ya gale kala gupindruga.

Jeremiya 36:3

“A gu dzina saye, vathu va nyumbani ga Judha va napwa makungo nya dzimhango nyi vbwetago gu va resela, mwendro saye muthu ni muthu a na vbindrugedza ndzilani gwaye nyambasi yadi, nyi kodza gu va tsetselela guvivba ni sighoho sawe.”

Jeremiya 38:17

Khu guralo, Jeremiya a di embela Zedhekiya, khuye: “Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wa gu ya dzi ningela ga manganagana ya mufumeli wa Bhabhiloni, u na vbanyisa womi wago, ni lidhoropa leli kha li na vbiswa, u na vbanya uwe gumogo ni ngamo yago.

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Jeremiya 7:7

Khu guralo, nyi na mi girani mu khala ga wulanga wowu, tigoni momu nyi ningidego vababe vanu, gukhugela matshiguni ya gale kala gupindruga.

Jeremiya 8:6

Nyi va yingiside gwadi; gambe kha va ganeli lisine, kha nyapwa ni moyo a nga dzi laya khu sighoho a giridego, a ganela, khuye: “Gasi ginani nyi nga ghoha?” Moyo ni moyo a gu ndreya a tutuma kha nga dzikavalu dziyago nyimbitunu.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Sofoniya 3:2

Kha li yingisi lito, ambari gu yingisa gululekwa. Kha li vegi gitumbo ga Pfhumu Nungungulu, ambari gu hidzimela ga Nungungulu waye.

Dhewuteronome 4:16

gasi mu si dzi vivbisi khu gu dzi girela gifananiso nya guvatwe nya vambe vanungungulu, nya gufanane ni muthu nya mwama mwendro nya nyamayi;

1 Thimoti 1:5

Aholu, fanelo nya gihevbudzo gyathu, khu gu wusa lihaladzo li dugago khu monyoni wu agidego, khu mapimoni nya yadi, ni gukhodwa nya lisine nyamba pfhadzedzela,

2 Pedro 3:9

Pfhumu kha yi hweli gu gira esi yi nga tumbisago, kha nga edzi va hingigedzago khidzo vambe vathu. Aholu iyo yi na ni gutimisela khu enu, kholu kha yi dzini na moyo wanu a mbemba, aholu ya gu vbweta gukhiyo mu vbindrugedze.