Sofoniya 3:19 - Bhibhiliya Nya Guage

¹⁹ Wona nya gukhuwe, khu gikhati gyogyo nyi na mbembisa valala vago vatshavbo; nyi vbanyisa silima ni gu wuyisela vatshavbo va nga bani va tutumisidwe; dzitshoni dzawe dzi na vbindrugedza dzi khala litsako, guzundzega ni ndruma yanu yi na phalalega ni mayigo yatshavbo ma nga bani ma mi poyila.

Sofoniya 3:19 Iomraidhean Croise

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 60:14

Sanana sa vatshanisi vago, si nata noga migondroni gwago; ni vale va nga bani va gu hembulula, va nata khidzima migondroni gwago; va na gu rana khavo u “Lidhoropa la Pfhumu Nungungulu,” “Siyoni wa Uye a Kategidego wa Israyeli.”

Isaya 60:18

Kha gu na pwala gambe gu ganedwa khu dzihanyi tigoni gwago, khu vaphangi mwendro vapfhungumuli, mivbinganoni gwago. “U na rana mabhiyo yago khuwe “Guvbanyisa” ni dzinyangwa dzago khuwe “Rungudzo.”

Isaya 61:7

Wulangani nya dzitshoni va dzi manego vathu vangu, va na hakha nyondro mbili, ni ga givalo ni gipoyilo mu gi manego, mu na hakhani gambe khu gu wuyelela nyondro mbili dzithomba nya mayigo yawe, mu na khalani khu gunengela ni litsako kala gupindruga.

Isaya 62:7

ambari gu mu ningani guhefemula kala a wusedza Jerusalema gu khala nga gilo gi zundzegago tigoni.

Jeremiya 30:16

Ambari ulo, vatshavbo vale va na gu saselago, Eni neni nyi na va sasela; valala vago vatshavbo va na yiswa wugumbitunu; avo va na gu gu belago, avo navo va na bedwa, ni avo va na gu phangago va na phangwa navo.

Jeremiya 30:19

Gu na pwala dzindzimo nya gubonge ni mikulungwane nya gutsake; nyi na va gira va velegela va tala, gima kha va na nga vbungudwa gambe; nyi na va ninga wuzundzo, gima kha va na nga theswa gambe vbavbatshi.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Ezekiyeli 16:27

Eni khu kotani nya kharato, nyi di thawuludza libogo langu vbatshani gwago, nyi vbungula litigo lago; nyi li ningela mandzani ga valala vago, vanyamahegyane va Vafilisitiya, avo va nga bani vari ni dzitshoni khu mavbanyelo yago nya gunyenyeze.

Ezekiyeli 16:57

na gu si gu huweledwi guvivba gwago. Olu, u khade kha nga uye, gilo nya gihegiso ga vanyamahegyane va Vaasiriya ni ga vatshavbo va vbafuvbyana gwaye vanyamahegyane va Vafilisitiya va nga bani va gu hembulula khu maphuvbo yatshavbo.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 39:13

Vathu vatshavbo va tigoni va na va dzinga; litshigu nyi na dhumiswago khilo, li na bani liri litshigu nya gialakanyiso avbo gwawe. A ngu ganela Mune Pfhumu Nungungulu.

Ezekiyeli 39:26

Va nata divaledwa khu dzitshoni ni gumba tumbega gwatshavbo va nyi kanyisidego khugo, gikhati va na vbanyago gurulani tigoni gwawe, nyamba manega muthu nya gu va thusedzele.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Sofoniya 3:15

Pfhumu Nungungulu ndreyiside sitsayiso a nga bani a dongisede guta gu tsayisa khiso, a tutumiside hwindzo valala vago, Pfhumu Nungungulu, Mufumeli wa Israyeli, womo vbakari gwago. Gima khu na nga wona gambe guvivba.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Dhewuteronome 26:19

Khu guralo, a na mi kategisa, a mi khusedza vbatshani nya mayigo yatshavbo a ma giridego, mu ma vbindra khu wudhumo ni wuzundzo ni ndruma, gasi mu khala litigo lile nya vathu va agidego mahoni ga Pfhumu Nungungulu wanu, kha nga idzo a ganedego khidzo.

Vahebheru 12:13

Tulani dzindzila nya gululame, gasi a si khuyugi oyu a hasidego, aholu, a hawuluga.

Gutuledwa 20:9

Va di tadza litigo latshavbo va dzuwulugela lizumbo la va nya gukatega ni lidhoropa nya gugolege. Aholu wu di tshiga nilo khu ndzadzini wuta vbedza vatshavbo.

Valamuli 1:7

Khavbo avbo, Adhoni-Bhezeki a di ganela, khuye: “Livbandre na mavili magumi vafumeli va nga pidwago dzinyala nya vanyaghonwe va mandzani ni migondroni, va di gu roledzela dzitsheta dzi nga bani dzi thega khu vbamezatunu gwangu; iso nyi nga girago ga vambe, Nungungulu a nyi bweledzede esi nyi giridego.” Va di mu dzega va hongola naye Jerusalema, aya fela iyoyo.