Sofoniya 3:15 - Bhibhiliya Nya Guage

¹⁵ Pfhumu Nungungulu ndreyiside sitsayiso a nga bani a dongisede guta gu tsayisa khiso, a tutumiside hwindzo valala vago, Pfhumu Nungungulu, Mufumeli wa Israyeli, womo vbakari gwago. Gima khu na nga wona gambe guvivba.

Sofoniya 3:15 Iomraidhean Croise

Genesi 30:23

A di khura mimba a gu velega gyanana nya gikhwathana. Rakeli a di ganela, khuye: “Nungungulu a nyi tshude dzitshoni dzangu.”

Dzindzimo 149:2

Israyeli a na nengele ga Muvangi waye, vathu va Siyoni va na tsakele Pfhumu yawe.

Dzindzimo 19:9

Githawo ga Pfhumu Nungungulu, gi agide kala gupindruga, gulamula ga Pfhumu Nungungulu lisine, gu tade khu gululama.

Dzindzimo 85:3

U vbedzide khorodza yago yatshavbo, u bosa likhulo lago.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 33:22

Aholu Pfhumu Nungungulu khuye mulamuli wathu, Pfhumu Nungungulu khuye muvegi nya nayo wathu, Pfhumu Nungungulu khuye Mufumeli wathu; khuye a na hi vbanyisago.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Isaya 52:9

Ghiyani mu embelela gumogo, enu marumbi ya Jerusalema; kholu Pfhumu Nungungulu tangadziside vathu vaye, a tshudzisa Jerusalema.

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 60:18

Kha gu na pwala gambe gu ganedwa khu dzihanyi tigoni gwago, khu vaphangi mwendro vapfhungumuli, mivbinganoni gwago. “U na rana mabhiyo yago khuwe “Guvbanyisa” ni dzinyangwa dzago khuwe “Rungudzo.”

Isaya 65:19

Nyi na nengela khu Jerusalema, nyi tsaka khu vathu vangu, gima kha gu na pwala gambe gwawe lito nya gililo, ambari gudilela.

Jeremiya 8:19

Nya gu yingisa dzihuwa nya miketo ya nyamahegyane wa vathu vangu, huwa yi pwalago tigoni momu gwatshavbo, khavo: “Gasi Pfhumu Nungungulu kha manegi gambe Siyoni, gani? Mufumeli waye kha manegi gambe mule, gani? Khu ginani va nyi gorosago va nyi wusela likhulo khu sifananiso sawe nya guvatwe, ni vanungungulu va mambe mayigo?

Ezekiyeli 35:10

Kholu mwa gu ganela, khenu: Mahundzu yaya ya mavili, ni mayigo yaya ya mavili, ma na khala yathu, ambari olu Pfhumu Nungungulu a nga bani a manegelago vbale.

Ezekiyeli 36:15

Gima kha nyi na gu diga u poyidwa khu va nya mayigo; khu na khala gambe gihegiso nya mayigo, ambari vathu vago gutshunganiswa va thega. A ngu ganela Mune Pfhumu Nungungulu.

Ezekiyeli 39:29

Gima kha nyi na va sihela gambe khovbe yangu, khu guralo, nyi na guhula Liphuvbo langu ga va na Israyeli,” a ngu ganela Mune, Pfhumu Nungungulu.

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Joyele 3:17

Khavbo avbo, mu na dzitini nya gukhenu: Eni kheni Pfhumu Nungungulu wanu, nyi vbanyago Siyoni, gigomoni gwangu nya gukatege; Lidhoropa la Jerusalema li na bani li kategide, vathu nya mambe mayigo, gima kha va na li khozisa gambe.

Amosi 9:15

Nyi na va yala tigoni gwawe, gima kha va na sigudwa gambe ga litigo nyi va ningidego, a ngu ganela Pfhumu Nungungulu wago.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Habhakuka 2:8

Kholu uwe u phangide dzithomba nya mayigo nya mangi, vathu vatshavbo va tshadego va na gu phanga nuwe. Kholu, uwe u vbaladzide novba nya wungi ngudzu, u girela dzihanyi mayigo, ni madhoropa gumogo ni vavbanyi vakone.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Sofoniya 3:5

Pfhumu Nungungulu a gu romo vbakari nya lidhoropa leli, lulamide, kha giri gilo nya guvivbe. Gugya ni gugya uye a gu thuma gulamula gwaye guwonegelani; kha phazami, aholu va nya guvivbedwa khu monyo kha vapwi dzitshoni.

Zakariya 12:3

Litshigu lolo, nyi na gira Jerusalema gu khala giwindri nya gulemele ga mayigo yatshavbo; oyu a na yedzago gu gi khusa, a na vbadzuledwa khigyo; mayigo yatshavbo ya mafuni ma na patana ma wugela Jerusalema.

Zakariya 14:11

Va na vbanya umo, kha gu na nga manega gambe givalo; gambe, vathu va Jerusalema, va na vbanya khu gurula nyamba thava gilo.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 12:15

“U nga thavi, nyamahegyane wa Siyoni. Khu mu woni mufumeli wago; wule atago na khilede giburwana!”

Johane 19:19

Pilato a di lova gitiviso, a gi namega vbatshani nya gihambano. A di lovide, khuye: “ JESU WA NAZARETA MUFUMELI WA VAJUDHA.”

Johane 5:30

“Gimwalo nyi girago khu gu gi khugela. Eni nya gu lamula kha nga idzo nyi pwidego khidzo; gulamula gwangu khwa gululama. Kholu kha nyi giri gugola gwangu, gani olu, gugola ga wule a nyi rumidego.

Gutuledwa 12:10

Khu hwane nya iso nyi dipwa lito nya gute khu ndzadzini li huwelela khu tshivba ni tshivba, khilo: “Gi vbohile gikhati nya guvbanyiswe, nya tshivba ni Wufumu wa Nungungulu wathu ni Mufumo wa Kristo waye. Kholu va mu pade muthuledzi wa vandriyathu, uye a nga bani a gu va poyila wutshigu ni mihani mbeli ga Nungungulu wathu.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

Gutuledwa 7:15

Khiso si va girago va manega mbeli nya gikhalo nya wufumu wa Nungungulu, va mu thumela wutshigu ni mihani nyumbani gwaye. Wule a khadego vbagikhalotunu nya wufumu a na va vhikela khu mwedzi waye.