Sofoniya 3:14 - Bhibhiliya Nya Guage

¹⁴ Embelela khu gutsaka uwe nyamahegyane wa Siyoni, kulungelani khu gutsaka enu vathu va Israyeli, nengela u womba kulungwane khu monyo wago watshavbo, uwe nyamahegyane wa Jerusalema!

Sofoniya 3:14 Iomraidhean Croise

Nehemiya 12:43

Litshigu lolo, gu ningedwe miphaselo nya dzimhamba nya dzikhongolo gu bwelo khavbo gu nengedwa; kholu Nungungulu a di va ningide litsako nya likhongolo. Vanyamayi ni sanana, avo navo va di gu tsakide ngudzu. Huwa nya litsako lolo yi di pwala Jerusalema gwatshavbo, kala hwindzo.

Dzindzimo 14:7

Nari pwani khu Siyoni, gu nguta guvbanyiswa ga Israyeli! Gikhati Pfhumu Nungungulu a na wuyisago nyaluphye sanana nya vathu vaye si vbagedwego, Jakobe a di hadza gu womba mikulungwane, Israyeli a di hadza gunengela ngudzu.

Dzindzimo 149:2

Israyeli a na nengele ga Muvangi waye, vathu va Siyoni va na tsakele Pfhumu yawe.

Dzindzimo 97:8

Siyoni a na sipwe a nengela, sagadzyana sa Judha si na khulungele, khu kotani nya gulamule gwago, uwe Pfhumu Nungungulu.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 37:22

aya khu magana Pfhumu Nungungulu a ganedego khu mahungu yaye: Nyamahegyane nya likendzi wa Siyoni, a ngu gu hega ni gu gu tsoredzela; nyamahegyane wa Jerusalema avbo u vbindrago a gu kutsunga hungo.

Isaya 40:1

“Tangadzisani, tangadzisani vathu vangu, a ngu ganela Nungungulu wanu!”

Isaya 40:9

Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 51:11

Gu na gira kharato ga vale va tshudzisidwego khu Nungungulu, va na wuya Siyoni na va gu womba mikulungwane, gutsaka gu si hegisigo gu na wonega dzikhovbeni gwawe, gunengela ni litsako si na manega vbakari gwawe, gima kha va na ngapwa gambe guvbisa ni gudilela.

Isaya 52:9

Ghiyani mu embelela gumogo, enu marumbi ya Jerusalema; kholu Pfhumu Nungungulu tangadziside vathu vaye, a tshudzisa Jerusalema.

Isaya 54:1

Embelela khu gutsaka uwe nyamayi nya gyumba, uwe u ngamba velega sanana; nengela khu gutsaka u womba kulungwane, uwe u ngamba lumwa; kholu sanana sa nyamayi a ngamba dzegwa si tade guvbindra sa nyamayi a gu ni mwama; a ngu ganela Pfhumu Nungungulu.

Jeremiya 30:19

Gu na pwala dzindzimo nya gubonge ni mikulungwane nya gutsake; nyi na va gira va velegela va tala, gima kha va na nga vbungudwa gambe; nyi na va ninga wuzundzo, gima kha va na nga theswa gambe vbavbatshi.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Mikeya 4:8

Uwe likhokhola nya tshambi, gigomo nya lidhoropa la Siyoni, avbo gwago wu nata wufumu nya guhegule, a gu mufumo wa nyamahegyane wa Jerusalema.

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”