Sofoniya 3:12 - Bhibhiliya Nya Guage

¹² Aholu nyi na tshiya vbakari gwago vathu nya sisiwana ni va nya gusolega; va na gu vegago gitumbo gyawe linani la Pfhumu Nungungulu.

Sofoniya 3:12 Iomraidhean Croise

Ezira 9:8

Gasi olu, uwe Pfhumu Nungungulu wathu U yeyedzide wuwadi wago khu gikhatinyana gegi ga mitshaledwa nya gukari yi vbulugidego, U yi ninga wuthavelo wulangani gwago nya guage, kala Nungungulu wathu a wenengedza maho yathu, a hi hefemudza wugumbini gwathu;

Dzindzimo 37:40

Pfhumu Nungungulu a ngu va phasa a va vbanyisa, a na va vbulugisa ga va nya guvivba, a va vbanyisa kholu va thavede gwaye.

Isaya 14:30

Matiwula nya sisiwana ma na khura, ni sisiwana si na lala ligovbe nya gutenge, gasi enu Vafilisitiya, nyi na mi songa khu ndzala, mitshaledwa yanu, yi na mbembiswa.

Isaya 14:32

Va na ningwa phindrulo muni avo va rumedwago khu va nya mayigo vovo? Pfhumu Nungungulu khuye a vbahidego lidhoropa la Siyoni, gasi va mana wuthavelo vale va tshanisekago vbakari ga vathu vaye.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 6:13

Aholu, gwa gu bani gu na tshade gipandre nya likhumi nya vathu va tigoni, gu na simama gu pfhungumudwa; gu fanana ni simbo nya munga ni nvula, ambari wa gu wu koka gu tshala gihuru, uwo wa gu thunga, kharato nugo ga mathungedwa yoyo, gu na dandra nyaluphye vathu va Nungungulu.”

Jeremiya 17:7

Kategide muthu wule a tumbago Pfhumu Nungungulu, a vegago gitumbo gyaye ga Pfhumu Nungungulu.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Ezekiyeli 6:8

Aholu nyi na tshiya vadugwana; vambe vanu va na vbuluga gu songwa gasi va kodza guphalalegiswa va yiswa ga mambe mayigo.

Mikeya 5:6

Avo va na mbembisa litigo la Asiriya khu matshari ni litigo la Ninirodhi, kala dzinyangwani gwalo. Khu kharati, a na hi vbulugisa mandzani ga Asiriya, a guta dhumela litigo lathu khu gu ndraga mivbingano yathu.

Nahume 1:7

Pfhumu Nungungulu khwadi, likhokhola nya wuthavelo litshigu nya wuvi. A ngu vhikela avo va mu tumbago,

Zakariya 11:11

Na gi tshudwe gidzumeledzwano litshigu lolo, sisiwana nya tshambi si nga bani si nyi yingisa, si di dziti gukhiso giyeyedzo gile mahungu ya Pfhumu Nungungulu.

Zakariya 11:7

Eni nyi khade muhavisi nya tshambi wu yiswago gusongwatunu, dzinvuta nya sisiwana nya tshambi; eni nyi di phara mapitso mavili: Limwedo nyi di li rana, kheni: “Wuhindzi” ilo nya wuvili kheni “Pwanano.” Nyi simama gu khala muhavisi nya tshambi.

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 12:21

Va nya mayigo vatshavbo va na tumba lina laye!”

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Varoma 15:12

A nuye muprofeti Isaya a ngu ganela, khuye: “Gi nata gitugulwana gya Jese, gi na ema gi fuma mayigo, va nya mayigo va na tumba igyo.”

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.