Sofoniya 3:11 - Bhibhiliya Nya Guage

¹¹ Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Sofoniya 3:11 Iomraidhean Croise

Dzindzimo 131:1

Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

Dzindzimo 49:5

Khu ginani nyi na thavago matshigu nya guvivbe, gikhati sighevenga si nyi randrelago?

Dzindzimo 59:12

Magana ma dugago khu kanani gwawe khya gu ghoha, va na konwe khu gu dzi gugumugisa gwawe kholu va guti gu lipha ni gu valana basi!

Isaya 11:9

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa Pfhumu Nungungulu, kha nga mati ma tadzago yiphwa.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 45:17

Aholu Pfhumu Nungungulu a na vbanyisa Israyeli kala gupindruga; gima kha mu na thega gambe dzitshoni, ni guhambanega mapimo kala gupindruga.

Isaya 5:15

Vathu vatshavbo va na theswa vbavbatshi, va nya guthavisega va na hembuludwa, ni maho ya vale va dzi khusedzago, ma na thedwa dzitshoni.

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Isaya 61:7

Wulangani nya dzitshoni va dzi manego vathu vangu, va na hakha nyondro mbili, ni ga givalo ni gipoyilo mu gi manego, mu na hakhani gambe khu gu wuyelela nyondro mbili dzithomba nya mayigo yawe, mu na khalani khu gunengela ni litsako kala gupindruga.

Jeremiya 13:9

Pfhumu Nungungulu a ngu ganela kharati, khuye: “Khidzo kharato, nyi na hinisa matshandza ya Judha ni gu dzi khusedza ga Jerusalema.”

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.

Ezekiyeli 20:40

Kholu, gigomoni gwangu nya gukatege, gigomo nya gulaphe gya Israyeli, a ngu ganela Mune Pfhumu Nungungulu, vbale ndranga yatshavbo ya Israyeli yi na nyi khozela, avbo eni nyi naya va hakha. Gambe, nyi naya va gurumedza gu nyi ninga miphaso ni miningelo yawe nya yadi nya mihandro nya guhegule, gumogo ni silo sawe satshavbo nya guage.

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mitengo 16:3

Va di ya tombana ga Mosi ni Aroni, va va embela, khavo: “Hi garade khu enu! Tshangano watshavbo wu agide, muthu ni muthu nya avo va agide, Pfhumu Nungungulu womo vbakari gwawe. Khu ginani mu dzi khusedzago vbatshani nya tshangano wa Pfhumu Nungungulu?”

Matewu 3:9

Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.

Varoma 2:17

Uwe wari khuwe u Mujudha, u themba Nayo, u dzi gira matshandza khu guti Nungungulu.

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

1 Pedro 2:6

Kholu, isoso somo ga Milowo nya Guage yi ganelago, khiyo: “Eni nyi hathide giwindri nya lisima ngudzu; nyi gi vega Siyoni kha nga giwindri nya gikoli nya nyumba; aholu, wule a khodwago ga egi giwindri gima kha na khala dzitshoni.”