Sofoniya 2:9 - Bhibhiliya Nya Guage

⁹ Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Sofoniya 2:9 Iomraidhean Croise

Isaya 11:14

Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 49:18

Khusedza maho u khedza malangani gwatshavbo; vatshavbo ava va tshanganidego, va gu wuya avbo gwago; khu lisine, nyi ngu sambanya khu guvbanya gwangu, a ngu ganela Pfhumu Nungungulu, gukheni, vathu vava vatshavbo, u nata dzi mburisa khavo kha nga guambala, u hunga khavo wulungu thamoni gukhwatshi u nyamayi nya khundzwa.

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 48:1

Khu mahungu ya Mowabhi, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Libango ga va na Nebhu, kholu lidhoropa lawe li khungumudwe.” Va na Kiriyatayimi, va padwe va modwa; likhokhola lawe li khungumudwe li thedwa dzitshoni.

Jeremiya 49:1

Mayelano khu va na Amoni. Pfhumu Nungungulu a ngu ganela kharati, khuye: Ina kamwe uwe Israyeli, u mwalo sanana, gani? U mwalo avo va na gu tshalago va hodza thomba yago, gani? Khu ginani Malikani a fumedego Gadhi, ni gu vathu vaye va khala madhoropani gwago?

Jeremiya 49:18

Gu na girega kha nga gu pfhungumudwa ga Sodhoma ni Ghomora, a ngu ganela Pfhumu Nungungulu; madhoropa ya vaakelane, mwalo ni moyo a na gu ya vbaha mule ambari ni uye nya guye luvela umo.

Jeremiya 49:33

Lidhoropa la Hazori li na vbindrugedza li khala liphala nya migehe, gikhati gyatshavbo li na bani liri marumbi; mwalo a na vbahago umo, ambari gu khadwa khu vathu.

Jeremiya 50:40

Kha nga avbo Nungungulu a vbindrugedzidego khidzo Sodhoma ni Ghomora ni madhoropa ya vbafuvbyana mule, a ngu ganela Pfhumu Nungungulu, kharato nugo gu mwalo muthu a na khalago mule.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Amosi 2:1

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Mowabhi kha nyi na bweledza tsayiso, kholu vbiside marambo ya mufumeli wa Edhomi kala ma khala nguma.

Sofoniya 2:14

Vbakari gwaye, gu na khala mazumbo nya mitshambi, nya mafumbu yatshavbo nya sirengo sa khabini; matembe ni sisungurukhuru si na mana wuthavelo vbatshani nya madingo yawe; ligwaha nya sinyoni, li na pwala khu sihogoni nya dzinyumba, vamahigonganye khu myanyani, kholu si guledwe mihasimo nya mapulango nya sena.

Sofoniya 2:7

Mitshaledwa nya lihundzu la Judha yi na ta bela yi dzega litigo leli. Va na havisela umo mitshambi yawe, wutshiguwule va na lala mudzinyumbani ga Asikaloni. Kholu Pfhumu Nungungulu wawe, a na va endrela nyaluphye, a wuyisa vale va nga bani vari wugumbini.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Mitengo 14:21

Aholu, khu lisine, kha nga olu nyi vbanyago ni wudhumo wa Pfhumu Nungungulu wu na tadzago litigo, nyi ngu tiyisa gukheni

Varoma 14:11

Pfhumu a ngu ganela omu nya Milowo nya Guage, khuye: “Nyi ngu tiyisa gwanu kheni vathu vatshavbo va na khidzima mbeli gwangu. Vatshavbo va na fakaza vathuni khavo kheni Nungungulu.”

Dhewuteronome 29:22

Va na wona litigo latshavbo na li vbisidwe khu nilo nya sulufa ni munyu, nyamba dzumela gu yadwa gilo, mwendro gu buga gilo ambari gu manega ni mwasi, kha nga iso si giregidego gukhungumudwani gwa Sodhoma ni Ghomora, Adhimani ni Zebhoyimi, madhoropa ma khungumudwego khu kotani nya likhulo la Pfhumu Nungungulu.

Dhewuteronome 29:23

Khu guralo, mayigo yoyo yatshavbo ma na wudzisa, khayo: Khu ginani Pfhumu Nungungulu a giridego esi tigoni momu? Khu gevbini givangelo gi nga wusago likhulo nya nga eli?