Sofoniya 2:7 - Bhibhiliya Nya Guage

⁷ Mitshaledwa nya lihundzu la Judha yi na ta bela yi dzega litigo leli. Va na havisela umo mitshambi yawe, wutshiguwule va na lala mudzinyumbani ga Asikaloni. Kholu Pfhumu Nungungulu wawe, a na va endrela nyaluphye, a wuyisa vale va nga bani vari wugumbini.

Sofoniya 2:7 Iomraidhean Croise

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

Dzindzimo 80:14

Uwe Nungungulu nya Tshivba Yatshavbo, hi ngu gu lomba wuya nyaluphye, khedzisa khu ndzadzini, u wona, u vhikela uvha yoyu;

Dzindzimo 85:1

Pfhumu Nungungulu u kategiside litigo lago; u wusedzide guandra ga Jakobe.

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 11:14

Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Isaya 11:16

Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 29:10

Pfhumu Nungungulu a ngu ganela kharati, khuye: Avbo gu na tadzisegago myaga nya livbandre na mavili magumi, na mu fumedwe khu Vabhabhiloni, Eni nyi nata mi holelani gasi nyita gira gidzumeledzwano nyi giridego nanu, ni gu mi wuyisa nyaluphye wulanga wowu.

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 30:3

Kholu Pfhumu Nungungulu a ngu ganela, khuye: “Wona, ma nguta matshigu nyi na gu kategisago vathu vangu va na Israyeli ni va na Judha; nyi na va wuyisa tigoni nyi ningidego vababe vawe, gasi va li fumela.”

Jeremiya 31:7

Kholu Pfhumu Nungungulu a ngu ganela kharati, khuye: “Embelelani mu womba mikulungwane khu kotani ya Jakobe, huwelelani ga uye a gu muthangeli nya mayigo; mu embelela dzindzimo nya wuzundzo, khenu: Vbulugisa vathu vago Pfhumu Nungungulu, a gu mitshaledwa ya Israyeli.”

Jeremiya 32:44

Mu na renga marembwe khu dzitsapawu, mu lova malangalila nya gu renge khayo mu rana dzifakazi mu ta sayina tigoni momu ga Bhejami ni bambe ga Jerusalema, ni madhoropani ga na Judha, ni ya musigomoni, ni ya mikovani ni madhoropani ga Marandzi; kholu nyi na va wuyisa khu wugumbitunu vata khala tigoni gwawe; a ngu ganela Pfhumu Nungungulu.

Jeremiya 33:12

Pfhumu Nungungulu nya Tshivba Yatshavbo, a ngu ganela kharati, khuye: “Wulanga wowu wu gu giwula, nyambana vathu ambari sirengo, madhoropani gwawe gwatshavbo, gu nga na gu manega lizumbo avbo vahavisi va na gu hefemulago avbo ni mitshambi yawe.

Jeremiya 33:7

Va na Judha ni va na Israyeli, nyi na va wuyisa khu wugumbitunu, nyi ta va vbahedza kha nga guhegulani.

Jeremiya 47:5

Vavbanyi va dhoropani ga Gaza va gayide ndzudzu, Asikalomi mwalo lito, mbembide gumogo ni mitshaledwa ya kovani gwaye. Kala lini nu ngu dzi hendrelela givili gyago?

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Hoseya 6:11

Uwe nuwe Judha, li nguta litshigu lago nya gutsayiswe, litshigu nyi na gu wuyisago vathu vangu khu wugumbitunu.

Obhadhiya 1:19

Avo va Negebhi va na fumela gigomo gya Esawu; avo va mapanini, va na khozisa litigo nya Vafilisitiya, va na phanga gambe marembwe ya Efrayimi ni ya Samariya, Bhejami a na fuma litigo la Gileyadhi.

Mikeya 2:12

Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Mikeya 4:10

Uwe lidhoropa la Siyoni, vbisega nga nyamayi a vbwetago gu velega, kholu u na duga dhoropani u ya khala khabini, u vboha kala Bhabhiloni; khiyo u na gu ya tshudziswago iyo. Khiyoyo Pfhumu Nungungulu, a na gu tshudzisa mandzani ga valala vago.

Mikeya 4:7

Avo va ndzodolago nyi na va gira mitshaledwa, ni avo va nga bani va phalalegisidwe va yiswa hwindzo, nyi na va gira litigo nya tshivba; Pfhumu Nungungulu a na fuma vbatshani gwawe gigomoni gya Siyoni, gukhugela olu kala gupindruga.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Sofoniya 3:20

Khu gikhati gyogyo, avbo nyi na gu bani nyi mi tshanganiside nyaluphye, nyi na mi thangela mbeli, nyi mi ningani lina nya wudhumo vbakari ga mafumbu yatshavbo ya tigoni, avbo nyi na gu wuyisago dzikhumbi dzanu dzatshavbo dzi nga bani dzi vbagedwe na mu gu dzi wona khu maho yanu, a ngu ganela Pfhumu Nungungulu.

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Agewu 2:2

“Ganela olu ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa muphasi nya khongolo nya mhamba Jozadhaki, gumogo ni ga mitshaledwa nya vathu, khuwe:

Luka 1:68

“A na rungudzwe Pfhumu Nungungulu wa Israyeli, kholu endrede vathu vaye ni guta va vbulugisa.

Luka 7:16

Vatshavbo va di tala khu githawo, va gu dhumisa Nungungulu, khavo: “Tumbulugide vbakari gwathu muprofeti nya khongolo; Nungungulu endrede ngamo yaye.”

Mithumo 8:26

Ngilozi ya Pfhumu yi di embela Filipi, khiyo: “Khuga. Indra kha guya Marandzi, u landra ndzila yi relelago khu Jerusalema yi gu hongola Gaza.” Gikhati gegi mwalo muthu a gimbilago khu ndzila yoyo.

Mithumo 8:40

Filipi a di gu manega dhoropani ga Azotu, a khuga khiyo a gimbila a hevbudza mahungu nya yadi khu talala ni talala kala gu vboha Sezareya.

Varoma 11:5

Khidzo gambe kharato ni matshiguni ya muhuno, womo tengo wudugwana nya vale Nungungulu a va hathidego khu wuhindzi waye.

Rute 1:6

Khavbo avbo, a di khuga gumogo ni vagadzamwane vaye va vavili khu tigoni ga Mowabhi, kholu va di pwide nya gupwani Pfhumu Nungungulu kategiside vathu vaye, khu gu va ninga guhodza nya gungi.