Sofoniya 1:17 - Bhibhiliya Nya Guage

¹⁷ Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Sofoniya 1:17 Iomraidhean Croise

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 10:18

Kholu Pfhumu Nungungulu a ngu ganela kharati, khuye: “Khu gikhati gegi nyi na va dzudzuga hwindzo vatshavbo vavbanyi va tigoni, nyi na va tshanisa kala va ganela, khavo:

Jeremiya 15:3

Pfhumu Nungungulu a ngu ganela khuye, nyi na va rumela dzimhango dzina nya sitsayiso a gu edzi: Va na songwa khu matshari, sirumbi sawe si ndrindrwa khu dzimbwa, nyama yawe yi rothedwa khu sinyoni sa damboni ni gu hodzwa khu sirengo sa khabini si va vbiyela.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 4:18

Mapimo ni mithumo yago khiso si gu reselago libango leli; idzo wu vavago khidzo tsayiso yoyu! Wa gu paya kala monyoni gwago!

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Gililo 1:14

Rwalo nya sighoho sangu wu ngu nyi lemela. Pfhumu hungide nyandra khu mandza yaye a yi handzega magatani gwangu, nyi rereka nyi vbela tshivba. Pfhumu a di nyi ningela mawogoni ga va nya tshivba nyi si kodzi gu khuga. Samec

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Gililo 1:8

Jerusalema ghohide ngudzu; khu guralo, a dzi nyenyeziside. Vatshavbo va nga bani va mu zundza, olu va gu mu poyila, khu gu wona wumbwiri waye. Uye abune a ngu dzi wona a sihala khu dzitshoni. Tet

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Ezekiyeli 16:38

Nyi na gu lamula kha nga idzo va lamudwago khidzo vanyamayi nya maphuphulu, ni vale va songago vathu; nyi na vbaladza novba wago khu likhulo langu li wusago wufu.

Ezekiyeli 24:7

Kholu novba a wu vbaladzidego womo vbakari gwaye; uye a wu vbaladzide vbagiwindritunu nya gutiye; kha wu vbaladza vbavbatshi, gasi gu wu futela khu mafu.

Ezekiyeli 24:8

Gasi gu gugumugisa likhulo langu nyi kala nyi phodza, nyi thede novba waye vbatshani nya giwindri nya gutiye, gasi wu si futedwi.”

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 11:7

Hi na khethu ginani olu? Hi na khethu va na Israyeli va tandregide gu mana esi va nga si vbweta; aholu si manidwe khu tsawa nya vale va nga hathwa khu Nungungulu. Vatshavbo vambe kha va dzina gupwa gurana gwaye,

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Pedro 1:9

Aholu, uye a gu mwalo naso silo sesi, a ngu fanana ni gikhumu, mwendro ni muthu nya gurole mapimo, a divaledwago khu gukhuye sighoho saye sa gale si tsetseledwe.

1 Johane 2:11

Oyu a vengago ndriyaye a gu vbanya gidemani, a gu gimbila gusivbalani, nyamba guti umo ayago umo, kholu gidema gi segide maho yaye.

Gutuledwa 3:17

Kha nga u ganelago, khuwe: ‘Nyi gikhudhudhu, nyi fumide, gi mwalo nyi gi hamugago.’ Aholu khu dziti nya gukhuwe u mutshaniseki, u gisiwana, u gikhumu, u wumbwiri.