Sofoniya 1:16 - Bhibhiliya Nya Guage

¹⁶ Litshigu nya guwombwe pundru, gu wombwa huwa nya nyimbi nya gudhumedwe madhoropa ma bhiyidwego khu siwindri nya tshivba ni dzilangwe nya gulaphe.

Sofoniya 1:16 Iomraidhean Croise

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;

Isaya 59:10

Ha gu phiphithela dzindzarini gukhwatshi hi sikhumu, si phiphithelago khu gumbana maho, ha gu tshunganela vbakari nya mihani, gukhwatshi ha gu gimbila gidemani, hi vathu nya tshivba, aholu ha gu fanana ni vathu va fudego.

Jeremiya 6:1

Enu sanana sa Bhejami, thavani vbakari ga Jerusalema; wombani pundru tigoni ga Tekowa, khusedzani giyeyedzo nya nilo tigoni ga Bheti-Hakerimi; kholu libango li nguta ni valala khu phuvbo ga Wuronga ni wusaseli nya wukhongolo.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Ezekiyeli 7:7

Gu vbohide avbo gwanu enu vavbanyi va tigoni. Gi vbohide gikhati ni litshigu nya pfilupfilu, gutsaka guvbede musigomoni.

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Joyele 2:1

Wombani pundru Siyoni; mu lila khu lito nya gukhugege gigomoni gwangu nya guage; va na khale hwanga vavbanyi vatshavbo va tigoni, kholu litshigu la Pfhumu Nungungulu li ngu vboha, gambe lomo vbafuvbi;

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Habhakuka 3:6

Uye a gu ema, mafu ma gu tsekatseka; a gu khedza, a gu ndrendremidzisa mayigo. Sigomo sa gale si di khungumudwa; sigomwana sa gale si di khungumugela. Dzindzila dzaye khya gupindruga.

Dhewuteronome 28:52

Va na gu randrela madhoropani gwago gwatshavbo, kala ma thega mabhiyo yago nya gulaphe tigoni gwatshavbo ni makhokhola u na bani u gu ma tumba, a na gu randrela ga litigo latshavbo eli Pfhumu Nungungulu wago a nga gu ningago.

Josuwa 6:20

Vathu va di huwata, vaphasi nya mhamba va di womba mipundru. Vathu na va pwide gudzuma nya mipundru, va di gira gupwala huwa nya yikhongolo, makhokhola ma di khungumuga, va na Israyeli va di bela dhoropani moyo ni moyo a di hongola wulanga wu nga bani wu romo mbeli gwaye, li di wandrwa kharati lidhoropa.