Sofoniya 1:15 - Bhibhiliya Nya Guage

¹⁵ Litshigu lolo, li na bani liri litshigu nya likhulo, litshigu nya wuvi ni sigaradzo; litshigu nya gupfhungumule ni gutshaniseka, litshigu nya gidema ni guphuma, litshigu nya mapfhi ni mazuvi.

Sofoniya 1:15 Iomraidhean Croise

Isaya 13:9

Wonani, li nguta Litshigu la Pfhumu Nungungulu, litshigu nya guthise ni likhulo li khondrago, gasi gu vbindrugedza litigo li khala marumbi, gumogo ni gu mbembisa sighohi si vbanyago umo.

Isaya 22:5

Kholu Pfhumu, Pfhumu Nungungulu nya Tshivba Yatshavbo, a hi resede litshigu nya ghudzeghudze, tshanisa ni sigaradzo kovani nya Giwoniso; mabhiyo nya lidhoropa ma pfhungumudwe, dzihuwa dza vavbanyi vaye dza gupwala kala sigomoni.

Isaya 8:22

Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Joyele 2:2

Litshigu nya gidema ni gutshaniseka; litshigu nya mapfhi ni gidema nya guphume. Gufanana ni wuronga wu wenengedzago sigomoni, vathu nya vangi ni tshivba va ngu hidzimela, avo nya gu gukhugela gikhati gya gale gima kha va nga manega, ambari khu hwane gwawe kha va na nga manega ga situgulwana ni situgulwana kala gupindruga.

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Sofoniya 2:2

Mu si gu phalalegiswi kha nga mungu wu mwalalegago khu litshigu limwedo, mu si gu thegedwi khu likhulo nya guthise la Pfhumu Nungungulu; ina, mu si gu vbohedwi khu litshigu nya likhulo la Pfhumu Nungungulu.

Matewu 24:29

“Aholu hwane nya tshanisa yoyo, lidambo li na sivbala, ni ngima kha na wenengedza; dzinyeledzi dzi na thegela khu Ndzadzini, ni dzitshivba nya ndzadzi dzi na dzudzwa.

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Dhewuteronome 28:52

Va na gu randrela madhoropani gwago gwatshavbo, kala ma thega mabhiyo yago nya gulaphe tigoni gwatshavbo ni makhokhola u na bani u gu ma tumba, a na gu randrela ga litigo latshavbo eli Pfhumu Nungungulu wago a nga gu ningago.

2 Pedro 3:7

Aholu, ndzadzi ni mafu si guromo olu si vegisedwe khu lito la limwedo, guta pfhungumudwa khu nilo. Si vegisedwe litshigu nya gulamudwe ni gumbembiswa ga va nya guvivba.

Gutuledwa 6:17

kholu Litshigu likhongolo nya likhulo laye li vbohide; khu mani a na gu li tiyelago?”