Sofoniya 1:14 - Bhibhiliya Nya Guage

¹⁴ Li ngu vboha litshigu nya likhongolo la Pfhumu Nungungulu, lomo vbafuvbi li nata khu guvbiredza. Upwani! Litshigu la Pfhumu Nungungulu li na bani liri la wuvi; ambari ni dzingwazi dzi na keta.

Sofoniya 1:14 Iomraidhean Croise

Isaya 15:4

Va Hesibhoni ni Vaeleyali, va di gimbila na va gu huwata. Dzihuwa dzawe dzi di pwala kala tigoni ga Jaza; khu guralo, masotshwa ya Mowabhi ma ngu lila; ni mihefemulo yawe yi ngu ndrendremela khu ndrani gwawe.

Isaya 33:7

Wonani gukhenu! Dzindrena dzaye dzomo dzindzilani, dzi wombedzelana dzihuwa, myango nya gu rese gurula ya gulila khu wuvi wawe watshavbo.

Isaya 66:6

Gu pwala ligwaha nya likhongolo dhoropani, li dugelago Nyumbani ga Nungungulu, lito la Pfhumu Nungungulu, a dzi phodzelago ga valala vaye.

Isaya 8:22

Va na khedza mafuni, gambe va na wona tshanisa, gidema ni wuvi nya wukhongolo ngudzu; khu hwane, va na rinywa gidemani nya guthise.

Jeremiya 25:36

Gu pwala dzihuwa nya vahavisi, ni dzihuwa dza vamune mitshambi! Kholu Pfhumu Nungungulu a ngu pfhungumula mikova yawe.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 46:5

Gasi ginani nyi gi wonago? Vatshavbo va gu khala hwanga, dzindrena dzawe dza gu thava dzi tutuma, nyamba khedza hwane, maphuvbo yatshavbo gupwala nyenganyenga basi, a ngu ganela Pfhumu Nungungulu.

Jeremiya 48:41

Madhoropa yawe ma na phangwa, ma wandrwa makhokhola yawe; khu litshigu lolo, myonyo nya dzindrena dza Mowabhi, yi na fanana ni monyo nya nyamayi a lumwago.

Ezekiyeli 12:23

Va embele, khuwe: Mune Pfhumu Nungungulu a ngu ganela kharati, khuye: Nyi na vbedza mavingu yoyo, kha ma na ganedwa gambe tigoni ga Israyeli. U va embela gambe, khuwe: Gu ngu vboha matshigu siwoniso satshavbo si na giregago.

Ezekiyeli 30:3

Kholu litshigu lomo vbafuvbi, lisine, lomo vbafuvbi litshigu la Pfhumu Nungungulu, litshigu nya mazuvi; a na bani ari gikhati nya tsayiso wa va nya mayigo.

Ezekiyeli 7:12

Gu vbohide gikhati, litshigu li vbohide. Murengi a nga nengeli, ambari murengisi a nga khuveki; kholu likhulo lomo vbatshani ga gidzemo gyatshavbo.

Ezekiyeli 7:16

Vatshavbo va na vbulugago gufa va na tutumela sigomoni na va gu lila kha nga sipomba si guromo kovani, moyo ni moyo a lila khu kota nya sighoho saye.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Joyele 2:1

Wombani pundru Siyoni; mu lila khu lito nya gukhugege gigomoni gwangu nya guage; va na khale hwanga vavbanyi vatshavbo va tigoni, kholu litshigu la Pfhumu Nungungulu li ngu vboha, gambe lomo vbafuvbi;

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Joyele 3:14

Sidzemo ni sidzemo nya vathu si tade kovani gu lamuledwago mahungu! Kholu litshigu la Pfhumu Nungungulu lomo vbafuvbi, li na vboha kovani gu lamuledwago umo mahungu.

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Amosi 8:2

A di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Nya gu wona gitundru nya mihandro nya guvidzwe.” Khavbo avbo, Pfhumu Nungungulu a di nyi embela, khuye: Ma vbohide mahegiso ya vathu vangu va na Israyeli; gukhugela olu guya mbeli, gima kha nyi na va tsetsa gambe.

Sofoniya 1:10

Litshigu lolo, a ngu ganela Pfhumu Nungungulu, gu na pwala huwa gukhugela Nyangwatunu nya Dzindzandzi, ni gu keta gukhugela Talalani nya Guphya, ni ligwaha nya likhongolo gukhugela sigomoni.

Sofoniya 1:7

Degulani mu khala khu githawo mbeli ga Pfhumu Nungungulu, kholu litshigu la Pfhumu Nungungulu lomo vbafuvbi ni gu vboha, Pfhumu Nungungulu dongisede miphaso, agiside avo a va ranidego.

Mithumo 2:20

Lidambo li na vbindrugedza li khala gidema gasi ngima wu na fuvila wu khala nga novba. Na li si gu vbohi litshigu la Pfhumu: Litshigu likhongolo, litshigu nya gidhumo.

Vafilipi 4:5

Wuwadi wanu wu na wonege ga vathu vatshavbo. Pfhumu a nata nyamba hwela.

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

Vahebheru 12:26

Wule khu Lito laye a nga kutsungago mafu, olu tumbiside, gukhuye: “Eni nyi na engedza gambe gu kutsunga, nasiri mafuni basi, aholu, ni ndzadzini gambe.”

Jakobe 5:9

Vandriyangu, mu nga ganedzisani khu gyanu, gasi mu si lamudwi. Wonani nya gukhenu Mulamuli womo vbamwanyatunu.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.