Rute 4:6 - Bhibhiliya Nya Guage

⁶ Khavbo avbo, oyu mwama nya nongo a di khuye: “Eni kha nyi na dzi kodza gu gi dzegisa, kholu nyi nga luzekedwa khu thomba yangu. Dzega uwe fanelo yangu nya gu gi dzegise, kholu eni kha nyi na dzi kodza gu gi dzegisa.”

Rute 4:6 Iomraidhean Croise

Genesi 38:8

Judha a di embela Onani, khuye: “Bela nyumbani ga ndriyago u hambela mwangadzi waye, gasi gu wusa livelego la ndriyago.”

Levhi 25:25

Ndriyago a gu mana sigaradzo a gu rengisa gipandre nya gipeto gyaye, nongo waye nya lisine, a ngu yela guya dzegisa gipandre gi nga rengiswago khu ndriyaye.

Dhewuteronome 25:7

Aholu, mwama a gu bomba gudzegana ni namu waye, nyamayi a na hongola hudzwetunu nya madhota aya ganela, khuye: “Namu wangu a ngu bomba gu wusedza lina la ndriyaye vbakari ga Israyeli, kha vbweti gu landrisa nayo nya guhambele a gu fanelo nya wulamu.

Dhewuteronome 25:8

Khavbo avbo, madhota ya dhoropani gwaye ma na ni fanelo nya gu mu rane va ta ganela naye; aholu uye a gu simama a bomba, khuye: Kha nyi mu vbweti,

Dhewuteronome 25:9

avbovbo namu waye nya nyamayi a na mu hidzimelela a mu tshula gilato ngondroni na gu wonwa khu madhota, a mu hetshela khovbeni, a ganela, khuye: Gu na girwe kharato ga muthu a bombago gu wusa ndranga ya ndriyaye;

Rute 2:20

Khavbo avbo, Nowemi a di embela ngadzamwane waye, khuye: “A na kategiswe khu Pfhumu Nungungulu, kholu girede wuhindzi ga avo va vbanyago ni vafudego.” Nowemi a engedza gambe, khuye: “Mwama yoyo, nongo wathu. Moyo nya valongo vathu nya lisine.”

Rute 3:13

Wutshigu wowu lala avba! Ga gugya mindru, uye a gu dzina guta gu hambela, ma tshambide; aholu a guta bomba gu gu hambela, eni nyi ngu sambanya khu Pfhumu Nungungulu a vbanyago gukheni nyi na gu hambela. Lala avba kala mindru.”

Rute 3:9

Uye a di mu wudzisa, khuye: “Gasi khuwe mani?” Rute a di hakha, khuye: “Kheni githumi gyago Rute. Fenengedza githumi gyago khu mwendra wago, kholu uwe u nongo u yelago gu nyi hambela.”