Rute 3:13 - Bhibhiliya Nya Guage

¹³ Wutshigu wowu lala avba! Ga gugya mindru, uye a gu dzina guta gu hambela, ma tshambide; aholu a guta bomba gu gu hambela, eni nyi ngu sambanya khu Pfhumu Nungungulu a vbanyago gukheni nyi na gu hambela. Lala avba kala mindru.”

Rute 3:13 Iomraidhean Croise

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

2 Vakorinto 1:23

Nyi ngu sambanya mbeli gwa Nungungulu a sitigo gwadi sa monyoni gwangu gukheni, nyi di girela gumba vbweta gu mi thelani wusiwana, gu kala nyi si bweleli dhoropani ga Korinto.

Vahebheru 6:16

Muthu a gu sambanya, a gu sambanya khu lina la moyo a gu khongolo guvbindra uye. Gusambanya ga gu vbedza guganedzisana gwatshavbo.

Valamuli 8:19

Gidhiyoni a di engedza a ganela, khuye: “Vama vale va diri vandriyangu, sanana sa mayi wangu kamwe. Nyi ngu sambanya khu lina la Pfhumu Nungungulu gukheni, naripwani mu di va digide va vbanya, eni na nyi si mu songi.”

Rute 2:20

Khavbo avbo, Nowemi a di embela ngadzamwane waye, khuye: “A na kategiswe khu Pfhumu Nungungulu, kholu girede wuhindzi ga avo va vbanyago ni vafudego.” Nowemi a engedza gambe, khuye: “Mwama yoyo, nongo wathu. Moyo nya valongo vathu nya lisine.”

Rute 3:12

Khidzo, lisine nyi nongo wago, aholu womo uye a gu wa lisine ngudzu guvbindra eni.

Rute 4:5

Khavbo avbo, Bhowazi a di khuye: “Litshigu u na gu gi dzegisago, gi dzegise gambe mandzani ga Nowemi, bwelo khavbo u gi renga gambe mandzani ga Rute, nya lifumbu la Mowabhi, ngadza lifutu, gasi u kodza gu wusa lina laye thombani gwaye.”

Rute 4:6

Khavbo avbo, oyu mwama nya nongo a di khuye: “Eni kha nyi na dzi kodza gu gi dzegisa, kholu nyi nga luzekedwa khu thomba yangu. Dzega uwe fanelo yangu nya gu gi dzegise, kholu eni kha nyi na dzi kodza gu gi dzegisa.”