Rute 2:8 - Bhibhiliya Nya Guage

⁸ Khavbo avbo, Bhowazi a di ganela ni Rute, khuye: “Yingisa, mwanangu! U nga dugi thembweni momu, u ya roledzela ga mambe marembwe; khala ni sithumi sangu nya vanyamahegyane.

Rute 2:8 Iomraidhean Croise

2 Dzipfhumu 5:13

Aholu sithumi saye si di hidzimela vbafuvbi gwaye si mu embela, khiso: “Baba, naripwani muprofeti a di gu embela gimbe gilo nya gikhongolo, ina wa sa gira, gani? Ahati olu a gukhuye: Indra u ya hamba, u na agiswa, ina khu faneli gu si gira, gani?”

Levhi 19:9

Mwa gu vbwera mihandro marembweni gwanu, mu nga vbweri kala mahegiso nya lithembwe, gambe mu nga roleli ni esi si thegidego mwendro gutshaledzela.

Matewu 9:2

Va di mu yisela gilima khu lithatho. Jesu, khu gu wona gukhodwa gwawe, a di embela gilima, khuye: “Mwanangu, tiya. Sighoho sago si tsetseledwe.”

Matewu 9:22

Jesu na thendregedzide, a di mu khedza, khuye: “Mwanangu, tiya, gukhodwa gwago gu gu vbanyiside.” Gikhati gile kamwe, nyamayi wule a di dzegela gu hawuluga.

Vafilipi 4:8

Khu guhegisa, vandruye, nyari kheni thelani kota khu esi nya lisine, nya gululame, nya guyele, nya guagiswe, nya gugolege, esi nya wuzundzo, nya ndruda, si yelago gu dhumiswa.

Rute 2:7

A di ta nyi lomba, khuye: “Nyi dige nyi landrisela khu hwane ga vavbweri nyi roledzela sivbila sesi, si tshaledzelago. Khu guralo, dzude gukhugela ni dzimindru kala olu, gi mwalo ni gikhatinyana a nga belago nyumbani a hefemula.”

Rute 2:9

U na khedzisela lithembwe va na hongolago va ya vbwera, u va landra khu hwane. Nyi layide madzaha yangu gasi ma si gu khuhi; wa gupwa lidora gimbila mikanvuni u ya sela mati ayo ma regidwego khu madzaha yangu.”

1 Samuweli 3:16

Khavbo avbo, Eli a di rana Samuweli a mu embela, khuye: “Mwanangu, Samuweli!” Uye a di hakha, khuye: “Nyi womo avba.”

1 Samuweli 3:6

Pfhumu Nungungulu a di rana nyaluphye Samuweli. Lidzaha li di wuga li hongola avbo a nga bani a romo Eli, li ya, khilo: “Nyi womo avba, kholu u nga nyi ranago:” Eli a di li hakha, khuye: “Kha nya gu rana mwanangu; bwelela u ya lala.”