Rute 2:2 - Bhibhiliya Nya Guage

² Rute, nya lifumbu la Mowabhi, a di embela Nowemi, khuye: “Nyi dige nyi hongola thembweni nyi ya roledzela mitshaledwa nya sivbila ga uye a na gu nyi girelago wuhigo.” Nowemi a di mu embela, khuye: “Indra, mwanangu.”

Rute 2:2 Iomraidhean Croise

Genesi 32:6

Myango yi di wuya ga Jakobe, yi ta, khiyo: “Hi hongode hi ya manana ni ndriyago Esawu, uye a ngu gu khinga ni mazana mana vama.”

Levhi 19:10

Thembweni gwago nya miuvha, u nga bweleli hwane u ya havedzela esi si tshaledzedego, mwendro gu roledzela dziuvha dzi thegidego vbavbatshi. U na tshiyela sisiwana ni valuveli. Eni kheni Pfhumu Nungungulu wanu.

Levhi 19:16

U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu.

Levhi 19:9

Mwa gu vbwera mihandro marembweni gwanu, mu nga vbweri kala mahegiso nya lithembwe, gambe mu nga roleli ni esi si thegidego mwendro gutshaledzela.

Levhi 23:22

Gikhati mu vbwerago mahangeni gwanu, mu nga vbweri gwatshavbo kala dzitshokhani nya lithembwe, gambe mu nga botedzeli ni esi si thegedego, tshiyelani gisiwana ni muluveli. Eni kheni Pfhumu Nungungulu wanu.”

Rute 2:3

A di hongola aya bela thembweni gasi gu roledzela sivbila khu hwane ga vavbweri, aholu gu di ya kotsana gu lithembwe lolo li diri la Bhowazi, nongo wa Elimeleki.

Rute 2:7

A di ta nyi lomba, khuye: “Nyi dige nyi landrisela khu hwane ga vavbweri nyi roledzela sivbila sesi, si tshaledzelago. Khu guralo, dzude gukhugela ni dzimindru kala olu, gi mwalo ni gikhatinyana a nga belago nyumbani a hefemula.”

1 Samuweli 1:18

Uye a di mu hakha, khuye: “Githumi gyago gi na mane wuhigo mbeli gwago.” Khavbo avbo, uye a diya hodzanyana gilogyo, kholu monyo waye wu di vbevbugide vbadugwana.