Rute 2:13 - Bhibhiliya Nya Guage

¹³ Rute a di hakha, khuye: “Mune wangu, nyi na mane wuhigo mbeli gwago, kholu u nyi tangadziside, u ganede monyoni ga githumi gyago ambari nyi si gu moyo nya githumi gyago nya nyamayi.”

Rute 2:13 Iomraidhean Croise

Genesi 32:6

Myango yi di wuya ga Jakobe, yi ta, khiyo: “Hi hongode hi ya manana ni ndriyago Esawu, uye a ngu gu khinga ni mazana mana vama.”

Genesi 33:10

Aholu Jakobe a di hakha, khuye: “Ahihi! Olu nya gu bani nyi manide wuhigo mbeli gwago, hakha ningelo wa mandzani gwangu, kholu nyi wonide khovbeni gwago gukhwatshi khovbe ya Nungungulu; gu diga nya isoso, u nyi hakhide gwadi khu matsenya.

Genesi 33:15

Khavbo avbo, Esawu a di ganela, khuye: “A gu bani nari kharato, nyi na ruma gutshala vambe vama nya ava nyi gu navo.” Jakobe a di hakha, khuye: “U nga dzi garadzi mune wangu! Eni nya gu bonga ngudzu nyi manidego wuhigo mahoni gwago, u nyi hakha gwadi!”

Genesi 33:8

Esawu a di engedza, khuye: “Wa gu vbweta gukhuwe ginani khu mitsawa yatshavbo yile nyi nga yi manago na yi gu rumedwa khu uwe?” Jakobe a di hakha, khuye: “Khya gufela gu nyi mana wuhindzi gwago uwe pfhumu yangu u nyi hakha gwadi.”

Genesi 34:3

Monyo wa Sikemi wu di dandramela ga Dhina nyamahegyane wa Jakobe, a di mu haladza ngudzu a gu ganela naye khu gwadi.

Genesi 43:14

Nungungulu nya Tshivba Yatshavbo a na mi gire mu mane wuhindzi ga mwama yoyo, gasi mu kodze gu wuya ni ndriyanu a tshadego, gumogo ni Bhejami. Gasi eni, gwa gu vbwetega gupwani, nyi dzegedwa sanana sangu, basi nyi na kheni ginani, nyi na dzegedwe.”

2 Samuweli 16:4

Khavbo avbo, mufumeli a di hakha Zibha, khuye: “Khedza, satshavbo iso si nga bani siri sa Mefibhoseti, sa gu lumba uwe.” Zibha a di hakha, khuye: “Nyi na mane wuhigo mbeli gwago uwe mufumeli ni mune wangu.”

Mavingu 15:33

Guthava Pfhumu Nungungulu gihevbudzo nya guti, gu dzi nogisa gu gomo wuzundzo.

Hoseya 2:16

Khu guralo, mu woneni nyi na mu kotola, nyi mu dzega nyi mu yisa giwulani, nyi ya ganela naye khu lihaladzo .

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

Valamuli 19:3

Mwama waye, a di khuga a mu landra gasi guya khongotelana naye a bwelela a wuya gaya gwaye; a di dzega githumi gyaye ni dziburu dzimbili, a hongola nadzo. Avbo a nga vbohago wugo gwaye, sade waye, a di tsaka, khu gu mu wona.

Rute 2:12

Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”

Rute 2:14

Na gi vbohide gikhati nya guhodze, Bhowazi a di mu embela, khuye: “Hidzimela avba u ta hodza gibaba, naganisa gipandre gyago khu vbenyu.” Uye a di khala khu bambe ga vavbweri, va mu ninga dzitshota nya tirigu nya gugadzingwe a hodza, a khura, bwelo khavbo dzi tshala.

1 Samuweli 1:18

Uye a di mu hakha, khuye: “Githumi gyago gi na mane wuhigo mbeli gwago.” Khavbo avbo, uye a diya hodzanyana gilogyo, kholu monyo waye wu di vbevbugide vbadugwana.

1 Samuweli 25:41

Khavbo avbo, Abhigayili a di kuga a khidzima a kuha mafu khu khovbe, a ganela, khuye: “Githumi gyago nyi velegedwe gu handza migondro ya sithumi sa mune wangu.”