Rute 2:12 - Bhibhiliya Nya Guage

¹² Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”

Rute 2:12 Iomraidhean Croise

Dzindzimo 17:8

Nyi vegise kha nga ndzololo nya liso lago, nyi sihe vbavbatshi nya mambapi yago,

Dzindzimo 19:11

Ni githumi gyago gi ngu ningwa khayo guti; oyu a ma landrisago, a na mana tshatshazelo.

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 57:1

Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Dzindzimo 58:11

Vatshavbo va na, khavo: “Bayi furi! Muthu nya gululame a ngu tshatshazedwa! Khu lisine, womo Nungungulu a lamulago litigo!”

Dzindzimo 61:4

Nyi vbanya nyumbani gwago kala gupindruga; nyi sayisega mutsani nya dzimbapi dzago.

Dzindzimo 63:7

Kholu u khade wuthavelo wangu, nya gu nengela mutsani nya mambapi yago.

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Mavingu 11:18

Muthu nyambasi wadi, a gu hakha tshatshazelo nya wudambane, Aholu uye a yalago gululama, a na mana tshatshazelo nya wadi.

Mavingu 23:18

Khu guralo khu matshigu matago, u na mana mavbanyelo nya yadi, gitumbo gyago kha gi na vbela.

Jeremiya 31:16

Pfhumu Nungungulu a ngu ganela kharati, khuye: Bavbula marongo u diga gu lila! Kholu gutshanisekani gwago u na mana tshatshazelo; a ngu ganela Pfhumu Nungungulu, sanana sago si na wuya khu tigoni ga valala vago.

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Matewu 5:12

“Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.

Matewu 6:1

“Dzi woneleni mwa gu gira thumo nya wadi mu nga dwaneli gu wonwa khu vathu. Mwa gu gira kharato kha mu na ningwa tshatshazelo khu Babe wanu a guromo Ndzadzini.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Vakolosi 2:18

Mu nga dzumeli gusengwa khu vathu va pfhadzedzelago gu landrisa ni gukhozela dzingilozi dza Nungungulu; vathu nya nga avo va gu ganela khu silo nya gu gima va si gu si woni, va gu dzi gira matshandza va dzi gugumugisa khu mapimo yawe nyamba phasa gilo.

2 Thimoti 1:18

Nungungulu a na mu girele wuhindzi litshigu nya gulamudwe. Mahungu nya mithumo a nga girago Efeso uwe u ngu mati gwadi guvbindra eni.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Rute 1:16

Aholu Rute a di hakha, khuye: “U nga nyi gurumedzi gu gu diga, nyi hambana nago, kholu umo u na hongolago, nyi na hongola neni, ni avbo u na gu lalago vbawutshigutunu, nyi na lala neni avbo; litigo lago, litigo langu neni, Nungungulu wago, Nungungulu wangu neni.

Rute 2:11

Bhowazi a di phindrula, a mu embela, khuye: “Nyi bikedwe satshavbo esi u giredego nasale wago gukhugela nya gufe mwama wago; gupwani u digide babe wago ni mayi wago ni litigo lago nya mavelego, u ta ga litigo leli u si litigo.

Rute 2:13

Rute a di hakha, khuye: “Mune wangu, nyi na mane wuhigo mbeli gwago, kholu u nyi tangadziside, u ganede monyoni ga githumi gyago ambari nyi si gu moyo nya githumi gyago nya nyamayi.”

Rute 4:15

A na khala mutangadzisi nya guvbanye gwago, ni musayisi muwukhosaneni gwago. Kholu oyu a nga velegwago khu ngadzamwane wago nya gu gu gole ngudzu, uye a ngu vbindra livbandre na sivili sikhwathana.”

1 Samuweli 24:19

Ina muthu a gu manana ni nala waye a ngu kodza gu mu diga a hongola, gani? Khu guralo, Pfhumu Nungungulu a na gu ninge tshatshazelo nya wuwadi, khu kotani nya esi u nyi giredego muhuno.

1 Samuweli 24:20

Gasi olu nyi ngu dziti nya gukheni uwe u na bani nuri mufumeli ni gukheni mufumo wa Israyeli wu na tiya mandzani gwago.