Rute 1:16 - Bhibhiliya Nya Guage

¹⁶ Aholu Rute a di hakha, khuye: “U nga nyi gurumedzi gu gu diga, nyi hambana nago, kholu umo u na hongolago, nyi na hongola neni, ni avbo u na gu lalago vbawutshigutunu, nyi na lala neni avbo; litigo lago, litigo langu neni, Nungungulu wago, Nungungulu wangu neni.

Rute 1:16 Iomraidhean Croise

2 Samuweli 15:21

Itayi a di hakha mufumeli, khuye: Nyi ngu sambanya khu Pfhumu Nungungulu a vbanyago ni ga womi wa mufumeli, mune wangu, kheni: “Gani khu hayi mufumeli, mune wangu, gani lufuni gani guvbanyani, githumi gyago, gi na bani giri nago.”

Dzindzimo 45:10

Upwa, nyamahegyane; wona u yingisa gwadi; diga vathu vago, u va divala gumogo ni ndranga ya babe wago.

Mavingu 17:17

Iyo yi gu pari yi ngu gu gola gikhati gyatshavbo, nuri gikhatini nya wuvi, ya gu khala ndriyago.

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 3:29

Hi ghohide, hi giride ugo gu vivbidego hi gu hambana nago; ga satshavbo ha gu gira ugo gu vivbidego; kha hi landrisi milayo Yago.

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Matewu 8:19

Khavbo avbo, a di hidzimela gwaye muhevbudzi nya Nayo a nga mu embelago, khuye: “Muhevbudzi, nyi na gu landrela ni hayini avbo u na gu hongolago.”

Johane 13:37

Pedro a di khuye: “Kha nyi dzi kodzi gu gu landra khu ginani? Eni nyi nafa nago.”

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

Josuwa 24:18

Pfhumu Nungungulu tutumiside mbeli gwathu vathu vatshavbo vava, kala ni Vaamori, a gu vavbanyi va tigoni momo; khu guralo, ethu nethu hi na khozela Pfhumu, kholu Uye khuye Nungungulu wathu.”

Gutuledwa 14:4

Ava khu vale va ngamba dzi nyenyezisa khu vanyamayi, vale va nga khala na va dzi vegiside; khavo va landrelago Nvutana malangani yatshavbo. Va di dzegiswa vbakari nya vathu nga matiwula ga Nungungulu ni ga Nvutana.

Rute 1:15

Nowemi a di mu embela, khuye: “Wona gukhuwe dzegwa kwanu, bwelede tigoni gwawe ni ga vanungungulu vawe. Khu guralo, uwe nuwe bwelela kha nga dzegwa kwanu.”

Rute 1:17

Avbo u na felago avbo, a neni nya gu vbweta gufela avbo, nyi dzingwa avbovbo neni. Pfhumu Nungungulu a na nyi tsayise ngudzu, gambe a engedzela nya gukala nyi dzumela silo nya nga esi, gu nyi hambanisa nago vbavbandze nya lufu.

Rute 2:6

Muthangeli nya vavbweri a di mu phindrula, khuye: “Oyu nyamahegyane nya lifumbu la Mowabhi a nga wuyago ni Nowemi khu tigoni ga Mowabhi.”

Rute 4:15

A na khala mutangadzisi nya guvbanye gwago, ni musayisi muwukhosaneni gwago. Kholu oyu a nga velegwago khu ngadzamwane wago nya gu gu gole ngudzu, uye a ngu vbindra livbandre na sivili sikhwathana.”