Rute 1:1 - Bhibhiliya Nya Guage

¹ Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.

Rute 1:1 Iomraidhean Croise

Genesi 12:10

Gu di manega ndzala tigoni mule, Abrama a di thavela tigoni ga Egipito, aya vbanya iyo gikhati nya gukari, kholu, ndzala yi diri yikhongolo ngudzu.

Genesi 26:1

Gu di manega ndzala nya yikhongolo ngudzu tigoni mule, gu diga ndzala nya guphele ya matshiguni ya Abrahama. Isaki a di hongola Gerari ga Abhimeleki, mufumeli wa Vafilisitiya.

Genesi 43:1

Khu matshigu yoyo, ndzala yi di gu tshanisa tigoni.

2 Samuweli 21:1

Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

1 Dzipfhumu 18:2

Eliya a diya dzi wonegisa ga Akabi. Ndzala yi di tshingide ngudzu tigoni ga Samariya khu matshigu yoyo.

1 Dzikoronika 2:51

Salima babe wa Bhetlehema, ni Harefi, babe wa Bheti-Gadheri.

1 Dzikoronika 2:54

Sanana sa Salima khesi: Bhetlehema ni va na Netofati, Atiroti-Bheti-Jowabi ni Hazi-hamanahati ni Zeruwa.

Dzindzimo 105:16

A di gira yi manega ndzala tigoni mule, a diga vathu nyambana guhodza.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Jeremiya 14:1

Aya khu magana ya Pfhumu Nungungulu a ma rumedego ga Jeremiya khu mahungu nya gute gihala nya gikhongolo.

Ezekiyeli 14:13

“Mwamana wa muthu, litigo nya gukari la gu nyi ghohela khu gumba tumbega, nyi na thawuludza libogo langu nyi li dzegela guhodza, nyi li rumela ndzala, nyi songetela vathu vaye gumogo ni sirengo saye.”

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Levhi 26:19

Nyi na vbedza matshandza nya tshivba yanu, nyi gira ndzadzini gukhwatshi i simbi, ni mafu yanu gukhwatshi sugu.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Dhewuteronome 28:38

Mahangeni gwago u na yala dzimbewu nya dzingi; aholu uwe u na vbwera dzidugwana, kholu dzi na bani dzi hodzidwe khu dzimbera.

Valamuli 12:8

Khu hwane ga Jefiti, khade mulamuli wa Israyeli, Ibisani wa Bhetlehema.

Valamuli 17:7

Gu diromo lidzaha limwedo nya Mulevhi nya gudugele Bhetlehema ga Judha, nya lihundzu la Judha, uye a di luvede mule.

Valamuli 17:8

Mwama yoyu, a di rura khu dhoropani ga Bhetlehema wa Judha gasi gugimbila a luvela umo a nga gu golago. Vbakari nya lipfhumba laye, a di vboha gigomoni gya Efrayimi, ndrangani ga Mika.