Obhadhiya 1:3 - Bhibhiliya Nya Guage

³ U sengidwe khu matshandza ya monyoni gwago, kha nga uye a vbanyago dziphagoni nya siwindri, u vbahidego vbatshani yoyo nya sigomo, na wu gu ganela khu monyoni gwago, khuwe: Khu mani a na nyi redago nyi thega vbavbatshi.

Obhadhiya 1:3 Iomraidhean Croise

Genesi 36:8

Khavbo avbo, Esawu, a gu uye Edhomi, a diya vbaha gigomoni gya Seyiri.

2 Dzipfhumu 14:7

Uye a di songa likhumi magumi mazana (10.000), va na Edhomi kovani nya Munyu; a phanga litigo la Sela mulitungani; a li thangisa lina la Jokiteyeli kala na muhuno.

2 Dzikoronika 25:11

Amaziya a di tiya longo, a thangela vathu vaye, a di relela kovani nya munyu, avbo a ngaya sasela likhumi magumi mazana (10.000) va na Seyiri.

2 Dzikoronika 25:12

Va na Judha va mode gambe likhumi mazana (1.000) vama na va nga gu vbanya, va va yisa gigomoni nya siwindri, va ya va reda va thega vaya pfarwa khu siwindri, vatshavbo havo bhi.

Joba 20:6

Ambari a gu dzi khusedza kala ndzadzini, ni hungo waye wu kuha mapfhi,

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Mavingu 18:12

Monyo nya muthu, wu si gu thegedwi khu mhango, wa gu dzi khusedza ngudzu, aholu wuzundzo gu wu mana khu gu dzi nogisa.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Isaya 16:6

Hi pwide na gu ganedwa khu matshandza ya Mowabhi, gu dzi khusedza gwaye ni gigaha gyaye; gambe gu ghwira gwaye khwa mahala.

Jeremiya 21:13

Wona nya gukhuwe nyi mi wugede, enu vavbanyi va kovani, ni uwe giwindri gi ladzidwego panini, a ngu ganela Pfhumu Nungungulu; nyi na wugela ni enu mu ganelago khenu khu mani a na gu relelago ata hi wugela? Mwendro khu mani a na gu belago dzinyumbani gwathu?

Jeremiya 37:9

Pfhumu Nungungulu a ngu ganela kharati, khuye: Mu nga dzi kanganyisi khu gukhenu: Vakalidhiya va na dugela muphelo, kholu avo kha va na hongola.

Jeremiya 48:28

Dugani madhoropani mu ya khala musiwindrini, enu mu vbanyago Mowabhi! Girani nga matuva ma vbahago sihaga sawe myanyani nya dziphago.

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 49:4

Nyamahegyane nyamba yingisa, khu ginani u dzi zundza khu mikova yago nya gunone, u tumba dzithomba dzago u ganela, khuwe: Khu mani a na gu nyi dhumelago?

Ezekiyeli 28:16

Guandrani nya wugwewo wago, monyo wago wu di taledwa khu dzihanyi u ghoha. Khu kotani nya isoso, nyi na gu dzudzuga na wu nyenyezide, hwindzo ni gigomo gya Nungungulu, nyi na gu mbembisa vbakari nya siwindri nya gukhedzige, uwe likerubhimi nya muvhikeli.

Malakiya 1:4

Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.