Obhadhiya 1:1 - Bhibhiliya Nya Guage

¹ Giwoniso gya Obhadhiya. Pfhumu Nungungulu a ngu ganela kharati khu kotani ya Edhomi, khuye: “Hi pwide magana ya Pfhumu Nungungulu ni moyo nya girumwa a rumedwego ga mayigo ya vbavbandze, a ganela, khuye: Khugani mu eme! Hongoleni hi wugela Edhomi hi ya mu sasela.

Obhadhiya 1:1 Iomraidhean Croise

Genesi 25:30

A di embela Jakobe, khuye: “Nya ngu gu lomba, nyi dige nyi hodza guhodza gwago nya gufuvile gwadi, kholu nyi garade ngudzu.” Khigyo gi nga gira va ninga Esawu lina nya gupwani khu Edhomi.

Genesi 36:8

Khavbo avbo, Esawu, a gu uye Edhomi, a diya vbaha gigomoni gya Seyiri.

Genesi 36:9

Esi khu sanana sa Esawu, nyapandre wa Vaedhomi, a velegidego gigomoni gya Seyiri.

Dzindzimo 137:7

Pfhumu Nungungulu, alakanya esi va nga gira vathu va Edhomi litshigu valala va nga belago Jerusalema va li phanga, kholu va di ganela, khavo: “Li khungumuleni, li khungumuleni kala mu sigulela ni siseketelo sakone.” Uwe,

Isaya 21:11

Gitiviso ga litigo la Edhomi, khu Seyiri womo a nyi ranago, khuye: “Mukhedziseli, gikhati muni gi tshadego gasi guvbela wutshigu? Mukhedziseli, gasi gikhati muni gi tshadego?”

Isaya 21:12

Mukhedziseli a di phindrula, khuye: “Avbo gugyago, gwa guta gambe wutshigu; mwa guvbweta gu wudzisa nyaluphye, mu ngu dzi kodza guta muta wudzisa.”

Isaya 30:4

Ambari vathangeli vanu va na Judha, olu na va vbohide Zowani, ni sirumwa sawe na si vbohide Hanisi,

Jeremiya 25:17

Nyi di hakha gikombe khu mandzani ga Pfhumu Nungungulu nyi ninga ma sela mayigo yatshavbo aya Pfhumu Nungungulu a nga nyi rumelago gwawe, a gu aya:

Jeremiya 25:21

va Edhomi wa Mowabhi ni ga sanana sa Amoni;

Jeremiya 51:46

Mu nga pilegi hwambo mu thava khu gupwa iso si na gu ganedwago tigoni ga Bhabhiloni, kholu khu mwaga yoyu, mu napwa esi; wumbe mupwa sile, ni ghudzeghudze tigoni, mufumeli a na wugela mufumeli kwawe.

Ezekiyeli 35:1

Pfhumu Nungungulu a di nyi embela khuye:

Joyele 3:19

Litigo la Egipito li na khala marumbi, Edhomi a na vbindrugedza a khala giwula nya gihala, khu kotani nya wusaseli va nga wu girago ga va na Judha, va vbaladzide tigoni novba nyambana nandru.

Mikeya 2:13

Moyo a na thanga mbeli a tula ndzila; avo va na ya bela khu mwanya va bwelo khavbo va duga khuwo gambe; mufumeli wawe a na thanga mbeli; ni Pfhumu Nungungulu, a na va gimbidzisa.

Matewu 24:6

Mu napwa na gu ganedwa khu dzinyimbi, ni ligwaha nya dzinyimbi, mu nga thurugini, kholu si na ni fanelo nya guphele khiso si girega, aholu khandri guhegisa.

Marko 13:7

Mwa gupwa huwa nya dzinyimbi ni guganedwa khu dzinyimbi ni ligwaha nya dzinyimbi mu nga thurugi; gu vbwetega si girega isoso, aholu khandri mahegiso.