Nehemiya 9:5 - Bhibhiliya Nya Guage

⁵ Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Nehemiya 9:5 Iomraidhean Croise

1 Dzipfhumu 8:14

Khavbo avbo, mufumeli a di thendregedza khovbe yaye a kategisa tshangano watshavbo wa na Israyeli, wu nga bani wu emide.

1 Dzipfhumu 8:15

A di ganela, khuye: “A na rungudzwe Pfhumu Nungungulu wa Israyeli, a ganedego khu likana laye ga babe wangu Dhavhidhe, a tadzisago olu khu gyandza gyaye gitumbiso a giridego nya gukhuye:

1 Dzipfhumu 8:22

Khavbo avbo, Solomoni a di ema mbeli nya giluvelo gya Pfhumu Nungungulu, a khusedza mandza vbatshani, mbeli nya tshangano watshavbo wa Israyeli,

1 Dzipfhumu 8:27

Ina kamwe, lisine nya gupwani, Nungungulu a ngu khala mafuni, gani? Ambari ndzadzini ni ndzadzini gwa ndzadzini gu si gu enedzigo, ginani nyumba yeyi nyi gu vbahedego?

1 Dzikoronika 16:36

A na bongwe Pfhumu Nungungulu wa Israyeli, khu gupindruga ni gupindruga!” Khavbo avbo, vathu vatshavbo va di khavo: Amen! Va dhumisa Pfhumu Nungungulu.

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

1 Dzikoronika 29:13

Khu guralo, olu Uwe Nungungulu wathu, ethu hi ngu gu bonga ni gu rungudza lina lago nya wudhumo.

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 20:13

Vatshavbo va na Judha va di emide mbeli ga Pfhumu Nungungulu, gumogo ni sanana sawe, ni vagadzi vawe ni sanana sawe nya sikhwathana.

2 Dzikoronika 20:19

Khu guralo, va na Levhi, ni sanana sa na Khowati, ni va na Kore, va di khuga va dhumisa Nungungulu khu lito nya gukhugege ngudzu.

Ezira 3:11

Va di embelela ga Pfhumu Nungungulu ndzimo yeyi, khavo: “Khwadi wuhindzi waye ni Israyeli khwa gu kala gupindruga!” Vatshavbo vathu, va di khusedza malito va gira ligwaha nya likhongolo va kulungela ni gu dhumisa Pfhumu Nungungulu, khu gu tsitswa nya siseketelo nya nyumba yaye.

Nehemiya 9:4

Jesuwa, Bhani, Kadimiyeli, Sebhaniya, Bhuni, Serebhiya, Bhani ni Kenani va di emide vbawutalatunu nya mapulango ya na Levhi, va di huwata khu lito nya likhongolo ga Pfhumu Nungungulu wawe.

Nehemiya 9:6

Uwe Pfhumu khuwe basi, u giride gupindruga gwa ndzadzini gu khusegidego ngudzu, ni mabutho yatshavbo nya sivangwa saye, mafu ni satshavbo si guromo umo, yiphwa ni satshavbo si manegago umo; khuwe u vbanyisago sivangwa satshavbo, ni sivangwa sa ndzadzini si ngu gu khozela.

Joba 1:21

a ganela, khuye: “Nyi dugide khu ndrani ga mayi wangu nyiri mwalo gilo, nyi na bwelela gambe nyiri mwalo gilo. Pfhumu Nungungulu a nyi ningide, Pfhumu Nungungulu dzegide; li na bongwe lina la Pfhumu Nungungulu!”

Dzindzimo 106:2

Khu mani a na tshamuselago mithumo ya tshivba ya Pfhumu Nungungulu? Khu mani a na pwadzago wuzundzo waye watshavbo?

Dzindzimo 134:1

Bongani Pfhumu Nungungulu enu mwatshavbo sithumi saye, mu guromo Nyumbani Gwaye, enu mu lindrelago vbakari nya wutshigu.

Dzindzimo 145:2

Nyi na gu bonga matshigu yatshavbo; nyi rungudza lina lago kala gupindruga.

Dzindzimo 145:5

Avo va na ganela khu wudhumo ni wugulu wago, eni nyi na embelela nyi pwadza siliwugiso sago.

Dzindzimo 146:2

Nyi na rungudza Pfhumu Nungungulu matshigu yatshavbo nya guvbanye gwangu; gikhati gyatshavbo nyi na vbanyago nyi na embelela dzindzimo nya wuzundzo ga Nungungulu wangu.

Dzindzimo 16:2

Nyi di embela Pfhumu Nungungulu, kheni: “Uwe Pfhumu yangu, khuwe thomba yangu yatshavbo; gimwalo gimbe gilo nya guvbindre uwe.”

Dzindzimo 66:2

Embani dzindzimo nya gukhusedze lina laye, yeyedzani githawo khu gu mu dhumisa!

Dzindzimo 99:3

Va na dhumise lina lago nya likhongolo nya guthavisege! Kholu li agide.

Ekisodha 15:11

Khu mani a fananago nago, Uwe Pfhumu Nungungulu vbakari ga vanungungulu vatshavbo? Khu mani nya gungangamele gu fanana ni Uwe, a fanedego gu thawa ni gu rungudzwa? U giride siliwugiso.

Ekisodha 15:6

Nyamudye wago, Uwe Pfhumu Nungungulu, gu wonegiside tshivba; nyamudye wago, Uwe pfhumu Nungungulu, gu phalalegiside valala.

Dhaniyeli 2:20

Dhaniyeli a di ganela, khuye: Li na rungudzwe lina la Nungungulu kala gupindruga; kholu tshivba ni guti sa gu lumba uye.

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Dhewuteronome 28:58

Wa gumba khathala khu gu landrisa magana yaya nya Nayo, ma lovidwego libhukuni momu, khu githawo ga lina nya wuzundzo ni wudhumo la Pfhumu Nungungulu wago,

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

Valamuli 13:18

Khavbo avbo, Ngilozi yi di mu hakha, khiyo: “Khu kotani nya ginani u nyi wudzisago lina langu? Lina langu li ngu samadzisa.”