Nehemiya 9:4 - Bhibhiliya Nya Guage

⁴ Jesuwa, Bhani, Kadimiyeli, Sebhaniya, Bhuni, Serebhiya, Bhani ni Kenani va di emide vbawutalatunu nya mapulango ya na Levhi, va di huwata khu lito nya likhongolo ga Pfhumu Nungungulu wawe.

Nehemiya 9:4 Iomraidhean Croise

2 Dzikoronika 20:19

Khu guralo, va na Levhi, ni sanana sa na Khowati, ni va na Kore, va di khuga va dhumisa Nungungulu khu lito nya gukhugege ngudzu.

Nehemiya 12:8

Va na Levhi va nga bani va gu thangela mithumo nya guembelele dzindzimo nya gubonge khava: Jesuwa, Bhinuwi, Kadimiyeli, Serebhiya, Judha ni Mataniya gumogo ni vandriyawe.

Nehemiya 3:17

Khu hwane gwaye va landrela gu vbahedza navo va na Levhi, Rewumi, mwamana wa Bhani, a handzamedza Hasabhiya, muthangeli nya gitigwana gya Keyila.

Nehemiya 8:4

Mulovi Ezira a di ema khu vbatshani nya wutala nya gugirwe khu mapulango wu nga bani wu giredwe thumo yoyo; vbafuvbi gwaye, khu nyamudye gwaye va di emide: Matitiya, Sema, Uriya, Hilikiya, ni Mahaseya; khu nyambade gwaye, a ema pedhaya, Misayeli, Malikiya, Hasumi, Hasibhadhana, Zakariya, ni Mesulamo.

Nehemiya 8:7

Muthu ni muthu a di ema wulanga waye, na va gu tshamusedwa nayo khu Jesuwa, Bhani, Serebhiya, Jabini, Akube, Sabhetayi, Hodhasi, Mahaseya, Kelita, Azariya, Jozabhadhi, Hanani, Pelaya gumogo ni va na Levhi.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 130:1

Khu guetani nya nondrwa nya sigaradzo, nyi ngu lila gwago Pfhumu Nungungulu.

Dzindzimo 3:4

Nyi ngu khusa lito nyi rana Pfhumu Nungungulu, uye a ngu nyi hakha khu gigomoni gwaye nya gukatege.

Dzindzimo 77:1

Eni nyi ngu khusedza lito langu ga Nungungulu, nyi lila gwaye gasi uye a nyi yingise.

Gililo 3:8

Ambari nya gu lila nyi lomba guphaswa, Uye kha yingisi nombelo wangu.

Johane 11:43

Na ganede esi, a di khusedza lito, a gu rana, khuye: “Lazaro, duga vbavbandze.”

Mithumo 7:60

Khavbo avbo, na khidzimide a di khusedza ngudzu lito a lomba, khuye: “Pfhumu, U nga va rwegi nandru nya gighoho gegi.” Na ganede magana yaya a di lala.