Nehemiya 9:32 - Bhibhiliya Nya Guage

³² Gasi olu, Uwe Nungungulu wathu, U Nungungulu nya khongolo U gu ni tshivba yi thavisegidego, U vegedzago gidzumeledzwano ni lihaladzo nya gutumbege; wona nari likhongolo libango leli li thegedego avbo gwathu gukhugela gikhatini ga vafumeli va Asiriya kala na muhuno, ga ethu ni vafumeli vathu, ga vafumeli vathu, ga vaphasi vathu nya mhamba, ga manganagana yathu, ga vaprofeti vathu, ga vababe vathu, ni ga vathu vatshavbo.

Nehemiya 9:32 Iomraidhean Croise

1 Dzipfhumu 8:23

a lombelela, khuye: “Pfhumu Nungungulu wa Israyeli, mwalo mumbe Nungungulu a fananago ni Uwe, vbatshani ndzadzini, ambari vbavbatshi mafuni, Uwe u vegedzago gidzumeledzwano nya wuhindzi ga sithumi sago, si tago mbeli gwago khu monyo wawe watshavbo.

2 Dzipfhumu 15:19

Khavbo avbo, Puli, mufumeli wa Asiriya, a dita guta wugela litigo la Israyeli; Menayemi, a di ningela ga Puli, likhumi mazana (1.000) dzitaleta nya parata, gasi a kodza gu mu phasedzela gu tiyisa wufumu mandzani gwaye.

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

2 Dzipfhumu 23:29

Matshiguni gwaye, Faro-Neko, mufumeli wa Egipito, a dita dhumela mufumeli wa Asiriya, tsongoni wa Ewufrate; mufumeli Josiya, a di mu khinga; avbo Faro-Neko a nga mu wona a di mu songa tigoni ga Megidhu.

2 Dzipfhumu 25:7

Sanana sa Zedhekiya, si di pidwa migolo mbeli ga babe wawe, Zedhekiya va di mu rumbula maho, va mu hunga khu makhetshe nya sugu va mu yisa Bhabhiloni.

Ezira 4:10

ni mambe mafumbu ayo mulovi nya ndruma Osinapari, a va residego khumo va luvedego umo a va resa madhoropani ya Samariya, ni mambe ya khisikheyi nya tsongo wa Ewufrate.”

Ezira 4:2

va dita ga Zorobhabheli ni ga vathangeli nya dzinyumba dza vababe vawe va va embela, khavo: “Hi digeni hi vbahe nethu gumogo nanu kholu ethu nethu ha gu vbweta Nungungulu wanu; kha nga idzo mu girago enu, ethu nethu hi ngu ningela miphaselo gukhugela litshigu lile Esari-Hadhomi, mufumeli wa Asiriya a hi rumedego eno.”

Ezira 9:13

Gasi hwane nya satshavbo sesi si nga hi dugelelago, khu kotani nya mithumo yathu nya guvivbe, gumogo ni nandru wathu nya wukhongolo, ambari khu kharato, uwe Nungungulu wathu, u himbedzede gukhuwe hi mbembiswa khu kotani nya sighoho sathu, bwelo khavbo u hi ningide mitshaledwa nya nga eyi yi vbulugidego.

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Dzindzimo 47:2

Kholu Pfhumu Nungungulu khongolo ngudzu, khuye Mufumeli nya khongolo nya litigo latshavbo.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Dzindzimo 66:5

Deluni muta wona mithumo ya Nungungulu; wonani silo nya gusamadzise a giredego vathu.

Ekisodha 18:8

Mosi a di embeledzela sade waye satshavbo esi Pfhumu Nungungulu a nga girago ga Faro ni Vagipiti khu kotani ya Israyeli, sigaradzo satshavbo va si manidego ndzilani, edzi Pfhumu Nungungulu a va vbulugisidego khidzo.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Dhaniyeli 9:4

Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Dhaniyeli 9:8

Ah! Pfhumu Nungungulu, ethu gumogo ni vafumeli vathu, vathangeli ni vakokwe vathu, hi tade khu dzitshoni kholu hi gu ghohedego.

Levhi 26:18

Ambari khu satshavbo sesi mwa gumba nyi yingisani, nyi na simama gu mi tsayisa livbandre na dzimbili dzinyondro khu kotani nya sighoho sanu.

Levhi 26:21

Mwa gu hambanani ni eni, mu si vbweti gu nyi yingisa, nyi na mi reselani mitungu livbandre na dzimbili dzinyondro, gasi gu mi tsayisa khu sighoho sanu.

Levhi 26:24

Eni neni nyi na hambana nanu nyi mi tsayisa khu gu wuyelela livbandre na dzimbili dzinyondro khu kotani nya sighoho sanu.

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Dhewuteronome 7:12

Khu guralo, wa gu yingisa milayo yeyi, u yi vegedza ni gu yi landrisa, Pfhumu Nungungulu wago, a na sayisa gidzumeledzwano ni wuhindzi a tumbisidego khu gusambanya ga vababe vago.

Dhewuteronome 7:13

Uye a na gu gola ni gu gu kategisa, a na gira melego wago wu andra; gambe a na kategisa sanana sago, ni mihandro ya tigoni gwago, dzimbewu dzago gumogo ni vbinyu yago; mafura yago, gumogo ni guvelegelana nya mitshambi yago nya dzimombe ni ya dzinvuta dzago, ga litigo eli, Pfhumu Nungungulu, khu gusambanya ga vababe vago a tumbisidego gu gu ninga.

Dhewuteronome 7:21

U nga khali hwanga mbeli gwawe, kholu Pfhumu Nungungulu wago, a gu Nungungulu nya khongolo ni guthavisega, womo vbakari gwago.

Dhewuteronome 7:9

Khala nu gu dziti nya gukhuwe Pfhumu Nungungulu wago, Nungungulu nya gutumbege, a vegedzago gidzumeledzwano ni gu girela wuhindzi kala gitugulwana nya likhumi mazana (1.000), ga vale va mu golago ni gu landrisa milayo yaye;