Nehemiya 9:30 - Bhibhiliya Nya Guage

³⁰ Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Nehemiya 9:30 Iomraidhean Croise

2 Dzipfhumu 18:11

Mufumeli wa Asiriya, a di vbagela va na Israyeli a va yisa Asiriya, aya va vega va vbaha Hala ni Habhori vbafuvbi ni tsongo wa Gozani ni madhoropani ya Vamedhi.

2 Dzipfhumu 21:10

Pfhumu Nungungulu a di ganela khu magana ya sithumi saye vaprofeti, khuye:

2 Dzikoronika 24:19

Aholu Pfhumu Nungungulu a di va rumela vaprofeti gasi guta va wuyisa gwaye nyaluphye; vaprofeti vava, va ningide wufakazi, aholu avo kha va va yingisa.

Ezira 9:10

Gasi olu, uwe Nungungulu wathu, khu hwane nya esi hi na khethu ginani kholu hi pfhurarede milayo yago,

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 95:10

Ndrani nya magumana myaga nyi di goroswa khu gitugulwana gegi, heni, kheni: “Ava vathu va vivbide myonyo, kha va landrisa ndzila yangu!”

Isaya 28:10

Kholu iso si ganedwago khesi: Milayo vbatshani nya Milayo, milayo, mi engedza mimbe milayo; nongameto vbatshani nya nongameto, nongameto wu engedza wumbe nongameto; sidugwana avba, sidugwana vbale.”

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Isaya 48:9

Aholu khu kotani nya lina langu, nyi na timisela, khu kotani nya wudhumo wangu, nyi na dzi phara, gasi u si mbembiswi.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 25:4

Dzinyondro nya dzingi Pfhumu Nungungulu a mi rumedeni sithumi saye nya vaprofeti, aholu enu kha mwa va yingisani ambari gu neredza ndzeve gasi gu vapwa,

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 44:5

Aholu, avo kha va nyi yingisa, ambari gu phuphuta ndzeve yawe va vbindrugedza mavbanyelo nya guvivbe, mwendro gu diga gu vbisela libani vambe vanungungulu nyamba phasa gilo.

Jeremiya 7:25

Gukhugela litshigu va nga dugago khilo vababe vanu khu tigoni ga Egipito, kala muhuno, khu litshigu ni litshigu nyi mi rumede sithumi sangu nya vaprofeti.

Gililo 2:17

Pfhumu Nungungulu tadziside gwago makungo yaye; giride iso a nga bani na gu ganela khu matshiguni ya gale. Pfhungumude nyamba pwela gisiro; tsakiside valala vago khu kotani nya guthege gwago, a va engedzede tshivba. Sade

Dhaniyeli 9:6

Kha ha yingisa malito ya vaprofeti, sithumi sago, va ganedego khu lina lago ga vafumeli vathu, ga vathangeli vathu, ga vababe vathu, kha nga gambe ga vathu vatshavbo va tigoni.

Zakariya 7:12

Va di bangisa myonyo yawe kha nga giwindri nya gutiye, gasi va si yingisi Nayo ambari magana ya Pfhumu Nungungulu nya Tshivba Yatshavbo, ma rumedwego khu Liphuvbo khu kanani ga vaprofeti va gale; khu kotani nya isoso Pfhumu Nungungulu nya Tshivba Yatshavbo a di va wugela khu likhulo nya likhongolo ngudzu.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

Mitengo 11:26

Aholu lizumboni gu di tshade vama vavili; moyo wakone lina laye a diri uye Elidhadhi; mumbe lina laye a diri uye Medhadhi; Liphuvbo li di mbaka vbatshani gwawe kholu va di lovedwe navo, ambari va ngamba khuga va hongola Tshatshani, aholu avo va di profeta na vari lizumboni.

Mithumo 13:18

Gipimo nya magumana myaga a di va sayisa khu lihaladzo mugiwulani.

Mithumo 28:25

Khu gumba pwanana, va di duga va hongola. Va si gu dugi, Pawulo a di va embela, khuye: “Bayi, li ganede Liphuvbo nya Guage, li nga ganela khu likana la muprofeti Isaya,

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

1 Pedro 1:11

Va zamide gu vbweta guti gikhati muni, matelo muni; Liphuvbo la Kristo li nga bani liri gwawe li va tiviside gikhati gyogyo khu gu va embela sisaniso a nga hadza gu si mana Kristo, ni wudhumo wu nga vbweta gu manega khu hwane nya iso.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.

2 Pedro 3:9

Pfhumu kha yi hweli gu gira esi yi nga tumbisago, kha nga edzi va hingigedzago khidzo vambe vathu. Aholu iyo yi na ni gutimisela khu enu, kholu kha yi dzini na moyo wanu a mbemba, aholu ya gu vbweta gukhiyo mu vbindrugedze.