Nehemiya 9:29 - Bhibhiliya Nya Guage

²⁹ U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Nehemiya 9:29 Iomraidhean Croise

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

2 Dzipfhumu 17:14

Aholu avo kha va tula dzindzeve dzawe va yingisa; va bangisa dzithamo dzawe, kha nga vababe vawe, va ngamba khodwa ga Pfhumu Nungungulu wawe.

2 Dzikoronika 24:19

Aholu Pfhumu Nungungulu a di va rumela vaprofeti gasi guta va wuyisa gwaye nyaluphye; vaprofeti vava, va ningide wufakazi, aholu avo kha va va yingisa.

2 Dzikoronika 33:10

Pfhumu Nungungulu a di ganela ni Manasi gumogo ni vathu vaye, aholu avo gima kha va nga mu yingisa.

2 Dzikoronika 36:15

Pfhumu Nungungulu wa vababe vawe, a di va rumela magana yaya khu ga sirumwa saye, gasi gu va dundrugisa; kholu a di gu pwela gisiro vathu vaye gumogo ni Nyumba yaye.

Nehemiya 13:15

Khu matshigu yoyo, nyi wonide gukheni tigoni ga Judha vomo nya gukari va nga bani va gu gamela wadwa nya dziuvha musighowoloni khu litshigu nya Sabhadho, vambe va wungedzela dzinyandra nya mavbila va dzi khiledza vbadziburutunu, va rwala gumogo ni vbinyu nya dzikhure, dzindzawa gumogo ni mimbe mirwalo nya hambanelane, na va gu si yisa Jerusalema khu litshigu nya Sabhadho; eni nyi di va kawuka gu va si rengisi gilo khu litshigu leli.

Nehemiya 9:10

U giride siwonegiso ni sisamadziso ga Faro, ni ga sithumi saye satshavbo ni ga vathu va tigoni gwaye gwatshavbo, kholu U di gu dziti gukhuwe va di tshanisa khu dzihanyi vababe vathu, U dandrisa lina lago hi li wonago kala na muhuno.

Nehemiya 9:16

Aholu avo gumogo ni vababe vathu, va di gu yeyisa va gira matshandza ni gu bangisa dzithamo dzawe va si gu thumeli, va si yingisi milayo yago.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 42:19

Pfhumu Nungungulu a di engedza gambe a ganela khu kotani yanu enu mitshaledwa ya Judha, khuye: “Mu nga hongolini tigoni ga Egipito. Dzitini nya gukhenu, muhuno nya gu mi laya na nyi tiyiside.

Jeremiya 43:2

Azariya, mwamana wa Hosaya, ni Jowanani, mwamana wa Kareya, ni vatshavbo va nya matshandza, va di embela Jeremiya, khavo: “Malipha isoso u ganelago! Pfhumu Nungungulu wathu, kha gu rumela guta hi embela khuye, hi nga hongoli hiya khala tigoni ga Egipito.

Jeremiya 44:10

Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Ezekiyeli 20:11

Nyi va ningide sileletelo sangu, nyi va gira vati milayo yangu, khu guralo, uye a na yi landrisago, a na vbanya khiyo.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Hoseya 6:5

Khu guralo nyi mi bayiside, khu gu mi rumela vaprofeti; nyi mi songa khu magana ma dugidego khu kanani gwangu, ni wulamuli wangu wu na duga kha nga wenengedzo.

Levhi 18:5

Mu na landrisa sileletelo ni milayo yangu, kholu oyu a yi landrisago a na vbanya khiyo. Eni kheni Pfhumu Nungungulu wanu.

Matewu 19:17

Jesu a di mu hakha, khuye: “Khu ginani u nyi ranago gukhuwe nyi wadi? Moyo basi a gu wadi khu Nungungulu. Aholu wa guvbweta gu mana guvbanya nya gupindruge, landrisa milayo.”

Luka 10:28

Jesu a di mu embela, khuye: “U hakhide gwadi. Gira kharato, u na vbanya.”

Varoma 10:5

Esi Mosi a lovidego khu mahungu nya gululame gutago khu Nayo khesi: “Muthu watshavbo a landrisago gululama nya Nayo, a na vbanyiswa khu Nayo.”

Vagalatiya 3:12

Aholu Nayo kha wu digi gukhodwa, aholu, gu lovidwe omu nya Milowo nya Guage pwani: “Oyu a na vegisago sileletelo nya Nayo a na vbanya khiso.”

Dhewuteronome 31:21

Khu guralo, gikhati va na gu namaredwago khu mabango nya gutale, ndzimo yeyi yi na khala kha nga fakazi mbeli gwawe; kholu iyo gima kha yi na divadwa maganani ga situgulwana sawe. Kholu Eni nyi ngu mati maalakanyo ya myonyoni gwawe va girago muhuno, nyi si gu va vbohisi ga litigo nyi va sambanyedego gu va ninga.

Dhewuteronome 31:27

Kholu nyi ngu guti guyeyisa gwanu ni gu banga nya mihungo yanu; ambari nya gukhuwe nyi di bani nyi nga gu vbanya vbakari gwanu, enu mu kanyiside Pfhumu Nungungulu, ahati olu hwane nya gu bani nyi fude?

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.

Valamuli 6:10

Uye a mi embede gambe, khuye: Eni kheni Pfhumu Nungungulu wanu; mu nga khozeli vanungungulu va Vaamori; mu khalago tigoni gwawe. Aholu kha mwa nyi yingisani.”