Nehemiya 9:27 - Bhibhiliya Nya Guage

²⁷ Khu guralo, U di va ningela mandzani ga valala vawe, va gu va tshanisa, aholu gikhati va nga bani va tshaniseka, va di lila avbo gwago, Uwe U va yingisa nuri khu vbatshani yoyo ndzadzini. Khu kotani nya wuhindzi wago nya wukhongolo, U va rumede vatshudzisi va ta va vbulugisa mandzani ga valala vawe.

Nehemiya 9:27 Iomraidhean Croise

2 Dzipfhumu 13:5

Khavbo avbo, Pfhumu Nungungulu a di ninga ga na Israyeli muvbanyisi, a va tshula mandzani ga Vaasiriya; va na Israyeli va di khala mitshatshani gwawe kha nga gale.

2 Dzipfhumu 14:27

Aholu Pfhumu Nungungulu a di si gu ganeli gukhuye a na fuvisa lina la Israyeli mafuni, a di va tshudzisa khu gyandza gya Jerobhowamo, mwamana wa Jeyowasi.

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

2 Dzipfhumu 17:39

Aholu mu na khozela Pfhumu Nungungulu wanu, Uye a na mi vbulugisani mandzani ga valala vanu vatshavbo.”

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Nehemiya 9:19

Ambari khu guralo, Uwe khu kota nya wuhindzi nya wungi ngudzu, khwa va diga giwulani. Lipfhi li di va thangela gasi gu va gimbidzisa mihani yatshavbo ndzilani gwawe, vbawutshigutunu va di thangedwa khu mwenge gasi gu wenengedza ndzila va yelago gu gimbila khiyo.

Dzindzimo 136:24

ni gu hi tshudzisa mandzani ga valala vathu, kholu lihaladzo laye li ngu simama kala gupindruga;

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Obhadhiya 1:21

Avo va nga palago va na gwela gigomoni gya Siyoni, gasi guya lamula gigomo gya Esawu, mufumo wakone wu na bani wuri wa Pfhumu Nungungulu.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.