Nehemiya 9:25 - Bhibhiliya Nya Guage

²⁵ Va di phanga madhoropa ma bhiyidwego, ni wulime nya gunone; ni gu wandra dzinyumba dzi tadego khu sombo nya lisima, ni milambo nya gukembwe nya mati, ni marembwe nya vhinya ni miolivha, ni misimbo nya yingi nya mihandro; va di hodza kala va khura, va nona, va tsaka khu kotani nya wuwadi wago nya wukhongolo.

Nehemiya 9:25 Iomraidhean Croise

1 Dzipfhumu 14:9

aholu, uwe u di nyi girela guvivba guvbindra vatshavbo va gu hegudzidego guta mafuni momu, kholu u di dzi girela vambe vanungungulu ni sifananiso nya gunyiviligiswe, u nyi pfhurarela gasi u wusa likhulo langu.

1 Dzipfhumu 8:66

Khu litshigu nya livbandre na mararu, a di tshula vathu va hongola, avo va di kategisa mufumeli, muthu ni muthu a bwelela tshatshani gwaye na tsakide, myonyo yawe na yi tangade khu kotani nya wuwadi watshavbo owu Pfhumu Nungungulu, a nga girelago githumi gyaye, Dhavhidhe, ni vathu vaye, va na Israyeli.

Nehemiya 9:35

Kholu vbagufumatunu gwawe, kha va gu thumela, ambari na va wonide talo nya dzithomba u va ningidego khu wuhigo wago, tigoni nya gukhongolo nya gunone u va ningidego. Aholu avo va di simama ni mithumo yawe nya guwegele.

Dzindzimo 105:44

A va ningide litigo la vambe vathu, va hodza lithonga la vambe vathu,

Dzindzimo 65:11

U tshambiside mwaga watshavbo khu makategwa yago, wulanga ni wulanga u vbindrago, vathu va gu fuma va hodza va khura.

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Jeremiya 2:7

Nyi mi vbohiside ga litigo nya gunone gasi mu hodze mihandro yaye ni silo saye nya sadi; aholu na mu bede umo, mu di li nyenyezisa mu ghohetela ni thomba yangu.

Jeremiya 31:14

Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Dhaniyeli 11:24

A na varamela na va pfhade malangani nya gunone nya sipandrengulu nya litigo, ata gira iso nya gu ambari vababe vaye kha va si kodza gu gira, ambari ni vakokwe vaye; a na dzega silo a nga phangago a kavedzela dzipari dzaye. A na gira ni makungo nya gusasele mambe makhokhola, aholu a na bani nari sa gikhatinyana basi.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

Dhewuteronome 3:5

Madhoropa yatshavbo yaya ma diri ya makhokhola nya makhongolo nya gulaphe, malimba yakone ma diri ni sigonyo nari ya simbi; hi dzega gambe ni mambe madhoropa nyamba bhiywa.

Dhewuteronome 32:13

A di mu gira mu legalega musigomoni sa tigoni a mu hodzisa mihandro nya likhabi; a di mu ninga mu hodza wulombe wa mugiwindrini ni mafura nya guduge khu giwindrini nya gutiye,

Dhewuteronome 32:14

ni wusa nya mahwe nya dzimombe ni mahwe nya dzinvuta ni mafura nya sinvutana, nya dzihamba dzi haviswago Bhasani ni vamabhongwe, gumogo ni wuguvbi nya wadi nya gukuwudwe; mu sede vbinyu nya gutshambe a gu novba nya dziuvha.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.