Nehemiya 9:20 - Bhibhiliya Nya Guage

²⁰ U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Nehemiya 9:20 Iomraidhean Croise

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Dzindzimo 105:41

A di pandra giwindri nya gutiye gu duga mati, ma khulunga giwulani kha nga tsongo.

Dzindzimo 143:10

Uwe khuwe Nungungulu wangu, nyi hevbudze gu gira guhaladza gwago, liphuvbo lago nya wuhindzi, li na nyi gimbidzise khu ndzila nya gululame.

Ekisodha 16:15

Avbo sanana sa na Israyeli, si nga wona esi, si di wudzisana khu gyawe, khiso: “Ginani egi?” Kholu va di si giti ginani. Mosi a di va embela, khuye: “Ogu khu guhodza a mi ningago Pfhumu Nungungulu gasi mu hodze.”

Ekisodha 16:35

Sanana sa Israyeli si hodzide manaha gipimo nya magumana myaga, kala va gu vboha tigoni va vbanyago vathu. Va hodzide manaha kala va gu vboha vbinganoni nya litigo la Khanani.

Ekisodha 16:4

Khavbo avbo, Pfhumu Nungungulu a di embela Mosi, khuye: “Wona, nyi na mi rumelani guhodza, gu na tshiga khu ndzadzini kha nga ndzadzi. Vathu va na duga litshigu ni litshigu va rolela esi si ninganago gu hodza litshigu limwedo. Esi nya gu girela gu va linga, gasi nyi wona mwendro va na landrisa milayo yangu.

Ekisodha 17:3

Avbovbo, vathu va dipwa lidora nya mati, va bhongela Mosi, khavo: “Khu ginani u hi dusidego khu tigoni Egipito, u di fela gu ta hi songa khu lidora, ethu gumogo ni sanana sathu ni sifuyo sathu, gani?”

Ekisodha 17:6

Eni nyi na gu thangela, nyi ya gu emela vbatshani nya giwindri gya Horebhi. Uwe u na veta giwindri, gu na duga mati va sela vathu.” Mosi a di gira kharato mbeli ga madhota ya na Israyeli.

Isaya 48:21

Gima kha va ngapwa lidora, avbo a nga bani a gu gimbila navo musiwulani, kholu a di va dusela mati khu mugiwindrini; a di pandra giwindri, gu goga mati.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Agewu 2:5

Kha nga gidzumeledzwano nyi giridego nanu, gikhati mu dugidego khu tigoni ga Egipito, Liphuvbo langu li ngu vbanya vbakari gwanu; mu nga thavi gilo.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Varoma 15:30

Vandriyangu, nyi ngu mi lombani khu Pfhumu yathu Jesu Kristo ni lihaladzo hi ningwago khu Liphuvbo nya Guage, gukheni mu hengela ni eni, mu nyi lombelela ga Nungungulu khu monyo watshavbo.

1 Vakorinto 10:3

Va hodzide vatshavbo guhodza gwa gumogo nya Liphuvbo nya Guage;

Vaefeso 5:9

Guwonegela khugo gu vangago mihandro nya wuwadi watshavbo, ni gululama, ni lisine.

Josuwa 5:12

Ga litshigu li landrelago eli va hodzidego mihandro ya tigoni, manaha ma di hegisa gu thega, va na Israyeli gima kha va mana gambe manaha. Gukhugela mwaga wule, va di hodza mihandro ya tigoni ga Khanani.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.