Nehemiya 9:19 - Bhibhiliya Nya Guage

¹⁹ Ambari khu guralo, Uwe khu kota nya wuhindzi nya wungi ngudzu, khwa va diga giwulani. Lipfhi li di va thangela gasi gu va gimbidzisa mihani yatshavbo ndzilani gwawe, vbawutshigutunu va di thangedwa khu mwenge gasi gu wenengedza ndzila va yelago gu gimbila khiyo.

Nehemiya 9:19 Iomraidhean Croise

Nehemiya 9:12

Vbamihanitunu, uwe U di va thangela, khu mwedzi nya lipfhi, vbawutshigutunu U va thangela khu mwenge nya nilo, gasi gu wenengedza ndzila va yelago gugimbila khiyo.

Nehemiya 9:27

Khu guralo, U di va ningela mandzani ga valala vawe, va gu va tshanisa, aholu gikhati va nga bani va tshaniseka, va di lila avbo gwago, Uwe U va yingisa nuri khu vbatshani yoyo ndzadzini. Khu kotani nya wuhindzi wago nya wukhongolo, U va rumede vatshudzisi va ta va vbulugisa mandzani ga valala vawe.

Nehemiya 9:31

Ambari khu kharato, khu kotani nya wuhindzi wago nya wungi, kha wa va diga va mbembisa muphelo, ambari gu va pfhurarela, kholu Uwe, U Nungungulu U gu ni wuhindzi ni gu pwela wusiwana.

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Dzindzimo 136:16

khuye a gimbidzisidego vathu vaye mugiwulani, kholu lihaladzo laye li ngu simama kala gupindruga;

Ekisodha 40:36

Gikhati lipfhi li khugago vbatshani nya Wulanga nya Guage, sanana sa Israyeli si di bela ndzilani si simama ni lendro lawe.

Ekisodha 40:38

Kholu mihani yile lipfhi la Pfhumu Nungungulu li di fenengedza Wulanga nya Guage, wutshiguwule nilo wu di wenengedza khavbo nya lipfhi, vbakari nya ndranga yatshavbo ya na Israyeli, lendroni gwawe gwatshavbo.

Isaya 44:21

Dundruga silo sesi uwe Jakobe, ni uwe Israyeli, kholu nyi gu giride githumi gyangu. Nyi gu wumbide gasi gu khala githumi gyangu; uwe Israyeli, gima kha nyi na gu divala.

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Ezekiyeli 20:14

Aholu khu lihaladzo nya lina langu, kha nya dzina kheni lina langu li nyenyeziswa na li gu wonwa khu mayigo, a gu vathu va nyi wonidego na nyi va dusa khu tigoni ga Egipito.

Ezekiyeli 20:17

Nyi di va khedza nyi va pwela wusiwana, kha nya va pfhungumula ambari gu va mbembisa giwulani.

Ezekiyeli 20:22

Aholu kha nya si gira, nyi di neredza mandza yangu, khu kotani nya lihaladzo nya lina langu, gasi nyi si li nyenyezisi ga mayigo ma nyi wonidego na nyi gu va dusa khu tigoni ga Egipito.

Dhaniyeli 9:18

Nungungulu wangu, neredza ndzeve yago u yingisa; u tula maho yago u wona gu pfhungumudwa nya lidhoropa lago, li ranwago khu lina lago. Kholu kha hi giri gilombo gegi gwago khu gu na hiri valulami, aholu khu kotani nya wuhindzi wago nya wukhongolo.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Malakiya 3:6

Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.

Mitengo 14:14

Aholu va embede gambe vathu va tigoni momu. Avo va pwide gupwani Uwe Pfhumu Nungungulu u womo vbakari ga vathu vava, ni gu uwe u ngu va yeyedza khovbe yago, ni gupwani lipfhi lago la gu khala vbatshani gwawe, vbamihanitunu wa gu thanga mbeli gwawe khu lipfhi, vbawutshigutunu gambe u womo vbakari gwawe khu nilo.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

1 Samuweli 12:22

Kholu, khu kotani nya lina laye nya likhongolo, Pfhumu Nungungulu, kha na dzudzuga vathu vaye, kholu si nengedziside Pfhumu Nungungulu, gu mi hathani mu khala vathu vaye.