Nehemiya 9:16 - Bhibhiliya Nya Guage

¹⁶ Aholu avo gumogo ni vababe vathu, va di gu yeyisa va gira matshandza ni gu bangisa dzithamo dzawe va si gu thumeli, va si yingisi milayo yago.

Nehemiya 9:16 Iomraidhean Croise

2 Dzipfhumu 17:14

Aholu avo kha va tula dzindzeve dzawe va yingisa; va bangisa dzithamo dzawe, kha nga vababe vawe, va ngamba khodwa ga Pfhumu Nungungulu wawe.

2 Dzikoronika 29:6

Kholu vababe vathu va ndragide milayo, va gira ugo guvivbidego mahoni ga Pfhumu Nungungulu wathu, va mu diga; va thendregedza dzikhovbe dzawe, va si khedzi Tshatsha wa Pfhumu Nungungulu, va wu pfhurarela.

2 Dzikoronika 30:8

Mu nga bangisini myonyo yanu, kha nga idzo va giridego vababe vanu; pharani mandza ya Pfhumu Nungungulu, mu belani Nyumbani gwaye nya Guage, a yi agisedego kala gupindruga, mu thumela Pfhumu Nungungulu wanu, gasi a ndreyise vbakari gwanu guvila nya likhulo laye.

2 Dzikoronika 36:13

Gu diga isoso, a di wugela gambe mufumeli Nabhukodhonosori, uye a nga bani a sambanyide gwaye khu lina la Nungungulu gu mu thumela, a di bangisa monyo waye, kha nga vbindrugedza mavbanyelo a wuya ga Pfhumu Nungungulu wa Israyeli.

Nehemiya 9:10

U giride siwonegiso ni sisamadziso ga Faro, ni ga sithumi saye satshavbo ni ga vathu va tigoni gwaye gwatshavbo, kholu U di gu dziti gukhuwe va di tshanisa khu dzihanyi vababe vathu, U dandrisa lina lago hi li wonago kala na muhuno.

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Dzindzimo 106:6

Ethu hi ghohide gu fanana ni vababe vathu; hi giride esi nya gunyenyeze ni guvivba.

Dzindzimo 81:8

Vathu vangu, yingisani milayo yangu, nyi di hadza gu tsaka nari gupwani wa gu nyi yingisa uwe Israyeli.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Ekisodha 32:9

Pfhumu Nungungulu a di engedza a embela Mosi, khuye: “Eni nyi ngu va pima gwadi vathu vava, nyi ngu vati gukheni vathu nya gubange mihungo.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 48:18

Oh! Nari pwani u di yingiside milayo yangu! Gurula gwago gu di hadza gu goga kha nga tsongo, ni gululama gwago, gu di hadza gu fanana ni mavimbi nya linene;

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Ezekiyeli 5:6

Khu guralo, khu kotani nya guvivbe gwaye wugede milayo yangu, gumogo ni sileletelo sangu, a gira guvivba guvbindra ni mayigo nya vaakelane vaye. Kholu uye yeyiside milayo yangu, a si landrisi sileletelo sangu.”

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Dhewuteronome 31:27

Kholu nyi ngu guti guyeyisa gwanu ni gu banga nya mihungo yanu; ambari nya gukhuwe nyi di bani nyi nga gu vbanya vbakari gwanu, enu mu kanyiside Pfhumu Nungungulu, ahati olu hwane nya gu bani nyi fude?

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Dhewuteronome 5:29

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.

Dhewuteronome 9:13

Pfhumu Nungungulu a di ganela gambe a nyi embela, khuye: Nyi lingedzede vathu vava, nyi wonide gukheni vathu nya gubange mihungo.

Dhewuteronome 9:27

Alakanya sithumi sago Abrahama, Isaki ni Jakobe; U nga woni gubanga nya myonyo ya vathu vava, ambari guvivba gwawe, ni sighoho sawe,

Dhewuteronome 9:6

Khu guralo, dziti nya gukhuwe khandri khu kotani nya gululame gwago, Pfhumu Nungungulu wago a gu ningago litigo leli nya ladi gasi gu u li fumela, kholu uwe u muthu nya gubange hungo.

Vahebheru 3:13

Aholu, tiyiselanani khu gyanu, gikhati gyatshavbo, na mu nga gu vbanya ga litshigu li ranwago pwani “Muhuno” li thudwago khu Milowo nya Guage. Girani esi, gasi ni moyo wanu a si sengwi khu gighoho a banga hungo.

Vahebheru 3:15

Milowo nya Guage yari, khiyo: “Muhuno, mwa gupwa lito la Nungungulu, mu nga bangisi mihungo yanu, kha nga vababe vanu va nga nyi wugela.”