Nehemiya 9:15 - Bhibhiliya Nya Guage

¹⁵ U va ningide guhodza gwa ndzadzini, gikhati va ngapwa ndzala, gikhati va ngapwa lidora, U di va sedza mati nya guduge khu giwindrini gasi gu tshima lidora. U va leletede gubela ga litigo U sambanyidego gu va ninga.

Nehemiya 9:15 Iomraidhean Croise

Genesi 14:22

Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu,

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Dzindzimo 114:8

a nga vbindrugedza giwindri gi khala litsiva nya mati, ni giwindri nya gutiye gi khala gibuga nya mati.

Ekisodha 16:4

Khavbo avbo, Pfhumu Nungungulu a di embela Mosi, khuye: “Wona, nyi na mi rumelani guhodza, gu na tshiga khu ndzadzini kha nga ndzadzi. Vathu va na duga litshigu ni litshigu va rolela esi si ninganago gu hodza litshigu limwedo. Esi nya gu girela gu va linga, gasi nyi wona mwendro va na landrisa milayo yangu.

Ekisodha 17:3

Avbovbo, vathu va dipwa lidora nya mati, va bhongela Mosi, khavo: “Khu ginani u hi dusidego khu tigoni Egipito, u di fela gu ta hi songa khu lidora, ethu gumogo ni sanana sathu ni sifuyo sathu, gani?”

Ekisodha 17:6

Eni nyi na gu thangela, nyi ya gu emela vbatshani nya giwindri gya Horebhi. Uwe u na veta giwindri, gu na duga mati va sela vathu.” Mosi a di gira kharato mbeli ga madhota ya na Israyeli.

Ekisodha 6:8

“Nyi na mi yisani nyi ya mi bedza ga litigo lile nyi nga sambanyago gukheni nyi na ninga Abrahama, Isaki ni Jakobe. Nyi na mi ningani gasi li khale thomba yanu. Eni kheni Pfhumu Nungungulu.”

Isaya 48:21

Gima kha va ngapwa lidora, avbo a nga bani a gu gimbila navo musiwulani, kholu a di va dusela mati khu mugiwindrini; a di pandra giwindri, gu goga mati.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Ezekiyeli 20:15

Ambari khu guralo, na vari giwulani, nyi khusedzide mandza nyi sambanya gambe gukheni, kha nyi na nga va yisa ga litigo nyi va ningidego, litigo li gogago mahwe ni wulombe, li mburidego guvbindra mayigo yatshavbo,

Mitengo 14:30

Khu guralo, ni moyo nya enu mwalo a na belago ga litigo nyi sambanyidego gukheni nyi na mi vegani mu khala umo, vbavbandze basi ga Kalebi, mwamana wa Jefoni, ni Josuwa, mwamana wa Nuni,

Dhewuteronome 1:21

Wona nya gukhuwe Pfhumu Nungungulu wago, a gu ningide litigo leli. Gwela, u ya li dzege, u li fumula kha nga idzo a ganedego khidzo Pfhumu Nungungulu wa vababe vago: U nga thavi, gambe u nga thurugi.

Dhewuteronome 1:8

Khilo eli litigo nyi li vegidego mbeli gwanu; belani mu fumela litigo Pfhumu Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Dhewuteronome 8:3

Uye a di gu poyila a gu diga upwa ndzala, a gu hodzisa manaha, uwe u nga bani u si mati, ambari vababe vago va di si mati, gasi u kodze gu pima gukhuwe muthu kha vbanyi basi khu guhodza, aholu khu satshavbo iso si dugago khu kanani ga Pfhumu Nungungulu, isoso si ngu vbanyisa muthu.