Nehemiya 9:13 - Bhibhiliya Nya Guage

¹³ U tshigide vbatshani nya gigomo gya Sinayi, nuri khu ndzadzini U ganede navo, U va yeyedza esi nya gululame, milayo nya lisine, sileletelo ni sirumo nya sadi.

Nehemiya 9:13 Iomraidhean Croise

2 Dzipfhumu 17:37

Sileletelo, sirumo ni milayo eyi a mi lovedego mu ngu yela gu si landrisa matshigu yatshavbo; mu nga khozeli vambe vanungungulu.

Ezira 7:6

Ezira yoyu a di khuga khu Bhabhiloni; a diri mulovi a wutigo gwadi Nayo wa Mosi.

Dzindzimo 119:137

Pfhumu Nungungulu uwe u lulamide, ni gulamula gwago khwa lisine.

Dzindzimo 119:160

Gukhugela guhegulani mahungu yago ma tiyide ma na ni lisine, sileletelo sago satshavbo si ngu simama kala gupindruga. Sine

Dzindzimo 119:4

Uwe u vegide milayo yago, gasi hi mi sayisa gwadi.

Ekisodha 16:23

Uye a di va embela, khuye: “Eyi khu milayo a nyi ningidego Pfhumu Nungungulu. Mindru litshigu nya guhefemule. Sabhadho nya guage ya Pfhumu Nungungulu, esi mu vbwetago gu phula, phulani muhuno; ni esi mu vbwetago gu gadzinga, gadzingani muhuno, satshavbo esi si tshalago si sayiseni kala mindru.”

Ekisodha 19:11

Va na khale na va dzi dongisede litshigu nya wuraru, kholu khu litshigu nya wuraru, Pfhumu Nungungulu a na tshiga na gu wonwa khu vathu vatshavbo vbatshani nya gigomo gya Sinayi.

Ekisodha 20:1

Khavbo avbo, Nungungulu a di ganela magana yaya yatshavbo, khuye:

Ekisodha 20:22

Khu guralo, Pfhumu Nungungulu a di embela Mosi, khuye: “U na ganela kharati ga sanana sa Israyeli, khuwe: Enu mu si wone khu maho yanu gukhenu Eni nyi ganede nanu na nyiri khu ndzadzini.

Isaya 64:1

Oh! Nari gupwani u ngu pferula ndzadzini u tshiga! Sigomo si di hadza gu tsekatseka mbeli gwago!

Isaya 64:3

Avbo u nga bani u gira silo nya guthavise, hi nga bani ha sa si lindrela, u di tshiga, sigomo si di tsekatseka mbeli gwago.

Habhakuka 3:3

Nungungulu dzude khu Temani, uye a Agidego a guta khu gigomoni ga Parani. Wudhumo waye wu fenengedzide ndzadzini ni wuzundzo waye wu tadzide mafuni.

Varoma 7:16

Nya gu gira silo nyi si sinigo, nya gu khusedza Nayo, nyi dzumela gukheni khwadi.

Dhewuteronome 33:2

Khu guralo, a di ganela, khuye: Pfhumu Nungungulu dzude khu Sinayi, a dzi wonegiside gwawe khu Seyiri, a ngangamela gukhugela gigomoni ga Parani; a dita ni gidzemo nya likhumi magumi mazana (10.000) va nya guaga, khu nyamudye gwaye, wu di romo nilo nya Nayo wu lumbago avo.

Dhewuteronome 4:33

Mwendro ga litigo nya gukari gu di nga pwala na gu ganela lito la mumbe nungungulu vbakari nya nilo, kha nga edzi uwe u li pwidego, u wuya u vbanya;

Dhewuteronome 4:36

Khu ndzadzini a gu giride upwa lito laye, gasi gu gu hevbudza, mafuni a gu yeyedzide nilo waye nya wukhongolo, gambe khu vbakari nya nilo u pwide magana yaye.

Dhewuteronome 4:8

Ni gu gambe, khu levbini litigo nya likhongolo li gu na ni milayo ni sileletelo nya gululame kha nga nayo yoyu watshavbo nyi mu ningago muhuno?

Dhewuteronome 5:4

Pfhumu Nungungulu ganede ni ethu khovbe ni khovbe nari gigomoni, khu vbakari nya nilo.