Nehemiya 9:12 - Bhibhiliya Nya Guage

¹² Vbamihanitunu, uwe U di va thangela, khu mwedzi nya lipfhi, vbawutshigutunu U va thangela khu mwenge nya nilo, gasi gu wenengedza ndzila va yelago gugimbila khiyo.

Nehemiya 9:12 Iomraidhean Croise

Nehemiya 9:19

Ambari khu guralo, Uwe khu kota nya wuhindzi nya wungi ngudzu, khwa va diga giwulani. Lipfhi li di va thangela gasi gu va gimbidzisa mihani yatshavbo ndzilani gwawe, vbawutshigutunu va di thangedwa khu mwenge gasi gu wenengedza ndzila va yelago gu gimbila khiyo.

Dzindzimo 105:39

Mihani a di ladza lipfhi gasi gu va fenengedza, a vasa nilo gasi gu va wenengedza wutshigu.

Dzindzimo 107:7

A di va nonedza ndzila nya yadi nya gululame, gasi guya khiyo dhoropani nya guvbanyele umo.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 78:14

Gikhati nya mihani a di va gimbidzisa khu lipfhi; wutshiguwule a di va gimbidzisa khu nilo.

Ekisodha 15:13

Khu wuwadi wago u thangede vathu vago U va dzegisidego, U di va hetedza khu tshivba yago U va yisa wulangani gwago nya guage.

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Mitengo 9:16

Gu di gira kharato matshigu yatshavbo, lipfhi li di fenengedza Wulanga nya Guage, vbawutshigutunu wu gira gukhwatshi nilo.

Mitengo 9:21

Ga dzimbe dzinyondro lipfhi li nga bani li gu khala gukhugela gupfolani nya lidambo kala vbadzimindrutunu; gikhati lipfhi li khusegago vbadzimindrutunu, avo va di khuga va hongola, gani mihani, gani vbawutshigutunu, la gu khugega lipfhi, avo va di khuga va gimbila.

Dhewuteronome 1:33

a thangidego mbeli gwanu ndzilani gwatshavbo, gasi gu mu vbwetela wulanga mu yelago gu ghova avbo; vbawutshigutunu, a di mu thangela khu nilo, gasi gu mi yeyedza ndzila mu yelago gu gimbila khiyo, aholu vbamihanitunu a di mi thangela khu lipfhi.