Nehemiya 9:10 - Bhibhiliya Nya Guage

¹⁰ U giride siwonegiso ni sisamadziso ga Faro, ni ga sithumi saye satshavbo ni ga vathu va tigoni gwaye gwatshavbo, kholu U di gu dziti gukhuwe va di tshanisa khu dzihanyi vababe vathu, U dandrisa lina lago hi li wonago kala na muhuno.

Nehemiya 9:10 Iomraidhean Croise

Nehemiya 9:16

Aholu avo gumogo ni vababe vathu, va di gu yeyisa va gira matshandza ni gu bangisa dzithamo dzawe va si gu thumeli, va si yingisi milayo yago.

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Ekisodha 3:20

Khu guralo, nyi na thawuludza gyandza gyangu nyi bayisa vathu va Egipito khu sisamadziso satshavbo nyi na si girago vbakari gwawe. Hwane nya ugo a na mi digani mu duga.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Ekisodha 7:1

Khavbo avbo, Pfhumu Nungungulu a di embela Mosi, khuye: “U ngu wona, nyi ngu gu gira Nungungulu mahoni ga Faro. Ndriyago Aroni a na khala muprofeti wago.

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Isaya 42:20

Uwe u ngu wona silo nya singi, aholu khu si vegedzi; ambari wa gu tula dzindzeve dzago, khu yingisi gilo.

Isaya 63:12

wule libogo laye nya wudhumo a va giridego va gimbila khu libogo la nyamudye la Mosi? A nga kabanisago mati khu vbakari mbeli gwawe, gasi gu dzi girela lina nya gupindruge, gani?

Isaya 63:14

Gukhwatshi girengo gi relelago kovani, Liphuvbo la Pfhumu Nungungulu li di va ninga guhefemula. U di gimbidzisa kharato, vathu vago, gasi gu dzi girela lina nya wuzundzo.

Jeremiya 32:20

Uwe u giride siliwugiso ni sisamadziso tigoni ga Egipito, na muhuno u nga gu simama gu si gira tigoni momu ga Israyeli ni ga vathu vatshavbo; gambe u dzi girede lina nya wudhumo u gu nalo kala na muhuno.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Dhaniyeli 9:15

Khu lisine, Uwe Pfhumu Nungungulu wathu, u dusidego vathu vago khu tigoni ga Egipito khu gyandza gyago nya tshivba, u dzi girela lina nya wudhumo kala na muhuno, hi gu ghohede, hi gira silo nya guvivbe.

Mithumo 7:36

Khuye Mosi a nga va tshula a gu gira siliwugiso ni siwoniso tigoni ga Egipito ni linene nya gufuvile, ni giwulani, gipimo nya magumana myaga.

Varoma 9:17

Kholu omu Milowo nya Guage, Nungungulu a ngu ganela a embela Faro, khuye: “Eni nyi gu khusedzide gasi nyi yeyedze khavbo gwago tshivba yangu, ni gu lina langu li tidwa tigoni gwatshavbo.”

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 7:19

Siwonegiso nya sikhongolo u si wonidego khu maho yago, ni siyeyedzo, siliwugiso, mandza nya tshivba ni libogo li khusedzidwego, esi Pfhumu Nungungulu wago, a gu dusidego khiso. A na gira kharato Pfhumu Nungungulu wago, ga vathu vatshavbo, avo u va thavago.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”